ភ្នំពេញ៖ អ្នកណាមិនស្គាល់កីឡាករវ័យក្មេងពូកែកែង ចិត្តសឿង កណ្ដាប់ដៃរហ័ស រស្មី គុនខ្មែរ  ដែលបច្ចុប្បន្នកំពុងហ្វឹកហាត់នៅក្លឹបគុនខ្មែរដូនតា ជាមួយលោកគ្រូ ឃឹម សុជាតិ ។ដោយសារចង់ក្លាយខ្លួនជាកីឡាករអាជីព និងលេងកម្មវិធីធំឲ្យបានច្រើន រូបគេសម្ងំហ្វឹកហាត់ ជាប់ជាប្រចាំ ហើយរៀនពីបច្ចេកទេសថ្មីៗជាច្រើន ឥឡូវនេះរូបគេបានត្រៀមខ្លួនរួចជាស្រេចហើយ ក្នុងការប៉ះដៃគូ ដែលជាជើងខ្លាំងមកពីប្រទេសឡាវ។

ក្នុងការប្រកួតនេះ រស្មីនឹងត្រូវប្រកួតមិត្តភាពអន្តរជាតិវាយ៣ទឹក លក្ខណៈគុនខ្មែរ នៅថ្ងៃសៅរ៍ចុងសប្តាហ៍នេះ។បើក្រឡេកមកមើលប្រវត្តិប្រកួតរបស់កីឡាករជើងខ្លាំងឡាវ ដែលជាដៃគូរបស់រស្មី ជាតារាក្បាច់គុនមួយរូប ដែលត្រូវបានអ្នកគាំទ្រឲ្យរហ័សនាមថា Lambo Infiniti  ដែលមានប្រវត្តិប្រកួតចំនួន៥០ដង ក្នុងនោះឈ្នះ៤០ដង, ចាញ់៩ដង, ស្មើ១ដង  ។ ដូច្នេះរស្មីនឹងត្រូវធ្វើការធ្ងន់ក្នុងការវិលត្រឡប់មកកាន់សង្វៀនលើកនេះ ប៉ុន្តែអ្នកគាំទ្រភាគច្រើននៅតែជឿជាក់លើសមត្ថភាពរបស់កីឡាករវ័យក្មេងរូបនេះថា នឹងធ្វើបានល្អ។

ក្រៅពីការប្រកួតគូដ៏ជក់ចិត្តមួយគូនេះ នៅលើសង្វៀន WURKZ សេនាគុនខ្មែរយ័ន្ត៨ទិស (Kun Khmer Warriors)ស្អែកនេះ ក៏មានប្រកួតជាច្រើនគូទៀត ដែលសុទ្ធសឹងតែជាជើងខ្លាំងនៅលើសមរភូមិក្បាច់គុនរួមមាន៖

**គូមិត្តភាពជាតិគុនខ្មែរ (Kun Khmer Rules)៖

– កីឡាការិនីលិជីង គុនខ្មែរ  Vs  សៅណា ស្រីណា

– សុវណ្ណរាមគ្គ   Vs  ជុន សុផល

**គូមិត្តភាពអន្តរជាតិគុនខ្មែរ (Kun Khmer Rules)៖

-កីឡាករ រិគី សេងហាក់  Vs កីឡាករចិន QIN JIN

– សូត្រ ប៊ុនធី  Vs កីឡាករប៉េរ៊ូ GONZALO

– គឹម វាសនា   Vs កីឡាករចិន RAO SHIMING

ព្រឹត្តិការណ៍ប្រកួតនេះនឹងប្រព្រឹត្តទៅនៅថ្ងៃទី18 ខែតុលា ឆ្នាំ2025ស្អែកនេះ កម្មវិធីចាប់ផ្តើមពីម៉ោង 7យប់តទៅ ទីតាំងនៅស្ថានីយ៍ទូរទស្សន៍ថោន។ជាមួយគ្នានោះ ក៏មានការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV ,នៅលើហ្វេសប៊ុកផេក TOWN FULL HDTV, TOWN FM 102.25 និង WURKZផងដែរ៕

  

ដោយ៖ វិកគី