ភ្នំពេញ៖ បុរសម្នាក់បើករថយន្ដ ហាយឡែនឌ័រក្នុងល្បឿនយ៉ាងលឿនបានជ្រុលទៅបុករថយន្តព្រុសដែលឈប់នៅលើដងផ្លូវបណ្តាលឱ្យរថយន្តហាយឡែនឌ័រក្រឡាប់ផ្ងារជើងឡើងលើ។ ហេតុការណ៍នេះបានកើតឡើងកាលពីវេលាម៉ោង១១ និង៤០នាទីយប់ ថ្ងៃទី២៦ ខែមេសា ឆ្នាំ២០២៦ ស្ថិតតាមបណ្ដោយផ្លូវOCIC សង្កាត់ព្រែកលៀប ខណ្ឌជ្រោយចង្វារាជធានីភ្នំពេញ ។
តាមប្រភពព័ត៌មានបានឱ្យដឹងថា នៅមុនពេលកើតហេតុគេបានឃើញរថយន្ត TOYOTA PRIUS ពាក់ស្លាកលេខ ភ្នំពេញ 2BU-2132 ឈប់ចតនៅលើផ្លូវ OCIC បន្ទាប់មកស្រាប់តែមានរថយន្តម៉ាកហាយឡែនឌ័ ពាក់ស្លាកលេខ ភ្នំពេញ 2AT-6976 បើកមកបុក បណ្ដាលឱ្យរងការខូចខាតយ៉ាងដំណំ ចំណែកឯរថយន្ដបង្កក្រឡាប់ផ្ងារជើងឡើងលើ ។
ក្រោយពេលកើតហេតុភាគីទាំងសងខាងបានចរចារគ្នាដោះស្រាយបញ្ចប់រឿងនៅហ្នឹងកន្លែង ៕
ដោយ៖ វិសាល
