ភ្នំពេញ ៖ ដំរីឈ្មោះខាវ៉ាន់ ដែលជាដំរីដ៏ឯកោបំផុតនៅលើលោក ទីបំផុត បានមកដល់ទឹកដីនៃខេត្តសៀមរាមអង្គរ នៃព្រះរាជាណាចក្រកម្ពុជាហើយនៅរសៀលថ្ងៃទី៣០ ខែវិច្ឆិកា ឆ្នាំ២០២០នេះ បន្ទាប់ពីបានធ្វើដំណើរជាច្រើន ម៉ោងនៅលើយន្តហោះពីប្រទេសប៉ាគីស្ថាន។
កម្ពុជាបានផ្តល់ជម្រកថ្មី ផ្តល់ជីវិតថ្មី និងផ្តល់ក្តីសង្ឃឹមថ្មីដល់ដំរីដ៏ឯកោមួយនេះ។ នេះបើតាការបញ្ជាក់របស់លោកនេត្រ ភក្ត្រា រដ្ឋលេខាធិការក្រសួងបរិស្ថាននៅក្នុងពិធីទទួលដំរីខាវ៉ាន់ នៅអាកាសយានដ្ឋានអន្តរជាតិ សៀមរាប។
តារាភាពយន្ត នាង ឆឺ បានស្វាគមន៍ “ដំរីឯកោបំផុតលើលោក” មកកាន់ប្រទេសកម្ពុជា នេះ ដើម្បីចាប់ផ្តើមជីវិតថ្មីនៅឯដែនជម្រកសត្វព្រៃឯកទេស បន្ទាប់ពីវាត្រូវបានជួយសង្គ្រោះពីស្ថានភាពដ៏លំបាកនៅក្នុងសួនសត្វប៉ាគីស្ថាន។
ដំរីឈ្មោះកាវ៉ាន់ អាយុ៣៦ឆ្នាំ នៅសួនសត្វដ៏កំសត់នៅទីក្រុងអ៊ីស្លាម៉ាបាដ និងមានដើមកំណើតពីប្រទេសស្រីលង្កា ដោយឃើញពីភាពលំបាក ក្រុមការពារសិទ្ធិសត្វបានបើកយុទ្ធនាការជួយសង្គ្រោះវា។ ដើម្បីជួយសង្គ្រោះដំរីនេះត្រូវបានជំរុញដោយការគាំទ្រនៅលើបណ្តាញសង្គមពីសំណាក់តារាសម្តែងនិងតន្ត្រីករ នាង ឆឺ ដែលបានធ្វើដំណើរទៅជួបវាពីប៉ាគីស្ថានហើយបន្ទាប់មកបានមកកាន់ប្រទេសកម្ពុជាដើម្បីស្វាគមន៍វាទៅកាន់គេហដ្ឋានថ្មីរបស់វា៕
