ភ្នំពេញ ៖ មន្ត្រីទូតកម្ពុជាប្រចាំនៅប្រទេសបារាំង បានជាសះស្បើយអស់ហើយ តែមានមន្ត្រីម្នាក់បានលាប់ឡើងវិញ កាលពី ២-៣ថ្ងៃ មុននេះ ហើយពេលនេះគាត់កំពុងសម្រាកព្យាបាលនៅផ្ទះ ប៉ុន្តែស្ថានភាពមិនមានអ្វីធ្ងន់ធ្ងរទេ។ នេះបើតាមការអោយដឹងពី លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា។
លោក កុយ គួង បន្តថស មន្ត្រីការទូតរបស់យើង នៅតាមបណ្តាប្រទេសផ្សេងៗទៀតមិនមានផលប៉ះពាល់ ដោយជំងឺកូវីដ-១៩ទេ ក្រៅតែពីនៅប្រទេសបារាំងនេះ។
បើតាមក្រសួងការបរទេសកម្ពុជា ស្ថានទូត នឹងបន្តធ្វើការយ៉ាងជិតស្និទ្ធជាមួយអាជ្ញាធរសុខាភិបាលបារាំង ដើម្បីតាមដានការវិវត្តនៃជំងឺរបស់អ្នកការទូតកម្ពុជា និងបុគ្គលិកក្នុងស្រុក ទាំងបួននាក់ខាងលើ ដោយយកចិត្តទុកដាក់បំផុត៕