ខេត្តបាត់ដំបង៖ គ្រោះអគ្គីភ័យមួយបានកើតឡើង បន្ទាប់ពីអគារភោជនីយដ្ឋានយីហោ” ឌឺអូវើថែម” នៅចំណុចក្រុមទី០៤ ស្ថិតក្នុងភូមិរំចេក៥ សង្កាត់រតនៈ ក្រុងបាត់ដំបង ត្រូវបានអគ្គីភ័យឆាបឆេះ កាលពីវេលាម៉ោង ០២ និង៣០នាទីរំលងអាធ្រាតឈានចូលថ្ងៃទី២៦ ខែមករា ឆ្នាំ ២០២២នេះ។
យោងតាមរបាយការណ៍របស់សមត្ថកិច្ចនគរបាលខេត្តបាត់ដំបង បានឱ្យដឹងថា ម្ចាស់ទីតាំងដែលមានអគ្គិភ័យឆាបឆេះមាន
ឈ្មោះ នី សារ ភេទប្រុស អាយុ ២៧ ឆ្នាំ សរុបជាទឹកប្រាក់ប្រហែល ២៨ ០០០ដុល្លារ ( ពីរម៉ឺនប្រាំបីដុល្លារ )។
របាយការណ៍ដដែលបានបន្តថា ចំពោះ ករណីនេះ បានបង្កឱ្យមានការខូចខាតអគារភោជនីយដ្ឋានមួយខ្នងមានទំហំ ២០ម៉ែត្រ គុណនិង ១៧ម៉ែត្រ សង់អំពីថ្ម កំពស់៥ជាន់(ឆេះបន្ទប់ជាន់ទី០៤)រួមនឹងសម្ភារប្រើប្រាស់ក្នុងបន្ទប់មួយចំនួនទៀត។
នៅក្នុងហេតុការណ៍អគ្គិភ័យនេះ សមត្ថកិច្ចជំនាញ បានចេញរថយន្តពន្លត់អគ្គីភ័យចំនួន ៤គ្រឿង ចុះជួយអន្តរាគមន៍បាញ់ពន្លត់ ដោយប្រើប្រាស់ទឹកអស់ចំនួន ៤គ្រឿង ទើបភ្លើងរលត់ទៅវិញ។ របាយការណ៍សមត្ថកិច្ចបានឲ្យដឹងទៀតករណីអគ្គិភ័យឆេះនេះ គឺស្ថិតក្នុងការស្រាវជ្រាវរបស់សមត្ថកិច្ចជំនាញនៅឡើយ៕
ដោយ ៖វិសាល
