នៅពេលដែលកងកម្លាំងរុស្ស៊ីបានដកថយនៅភាគខាងត្បូងនៃប្រទេសអ៊ុយក្រែន រដ្ឋបាល Biden បានប្រកាសកញ្ចប់ជំនួយយោធាថ្មីមួយចំនួនសម្រាប់អ៊ុយក្រែន ប៉ុន្តែជំនួយទាំងអស់នោះ មិនឃើញមានអាវុធ ដែលយោធាអ៊ុយក្រែនស្វែងរកជាយូរមកហើយគឺដ្រូន Grey Eagle ជាច្រើនគ្រឿង ដែលមានផ្ទុកកាំជ្រួច Hellfire ។
យោងតាមមន្ត្រីពីររូបបានឱ្យដឹងថា សហរដ្ឋអាមេរិកបាននឹងកំពុងពិនិត្យមើលការកែប្រែ ដែលអាចធ្វើទៅបានចំពោះយន្តហោះគ្មានមនុស្សបើក។ ការផ្លាស់ប្តូរដែលនឹងធ្វើឱ្យសក្តានុពលនៃការបាត់បង់ណាមួយ – ជាមួយនឹងបច្ចេកវិទ្យាដ៏រសើបរបស់ពួកគេ មិនសូវមានគ្រោះថ្នាក់ និងអាចបង្កើនលទ្ធភាពដែលអ៊ុយក្រែនទទួលបាន។
មន្ត្រីអាមេរិកម្នាក់ បានបញ្ជាក់ថា កងទ័ពកំពុងដឹកនាំកិច្ចខិតខំប្រឹងប្រែង ដើម្បីសិក្សាពីការផ្លាស់ប្តូរដែលអាចកើតមានចំពោះយន្តហោះគ្មានមនុស្សបើក ដែលផលិតដោយ General Atomics ដែលគេហៅក្នុងកងទ័ពថា MQ-1C។
ទោះបីជាយ៉ាងណាក៏ដោយ បើគ្មានការផ្លាស់ប្តូរណាមួយទេ ហ្រ្គីនអ៊ីហ្គល ដែលអាចផ្ទុកកាំជ្រួច Hellfire ចំនួនបួនគ្រាប់ និងហោះហើរក្នុងរយៈកម្ពស់ 25,000 ហ្វីត ក្នុងរយៈពេលជិត 30 ម៉ោង ទំនងជានឹងមិនមាននៅក្នុងបញ្ជីជំនួយយោធានាពេលខាងមុខ ដែលបានបែងចែកទៅឱ្យអ៊ុយក្រែននោះទេ។
មន្ត្រីអាមេរិកដដែលបាននិយាយទៀតថា ការពិភាក្សាអំពី Grey Eagle កំពុងបន្ត ហើយវាមិនត្រូវបានគេច្រានចោល ឬបដិសេធជាផ្លូវការចំពោះអ៊ុយក្រែននោះទេ។តែកាសែត Wall Street Journal ធ្លាប់បានរាយការណ៍ថា មន្ទីរបញ្ចកោណបានបដិសេធសំណើរបស់អ៊ុយក្រែន៕
ប្រភព៖ CNN
ប្រែសម្រួលដោយ៖ វាសនា
