ក្រុងប្រ៊ុចសែល៖ ប៉ូលីសបែលហ្ស៊ិកបានឃាត់ខ្លួនមនុស្សរាប់សិបនាក់ និងចាប់ខ្លួនម្នាក់កាលពីថ្ងៃអាទិត្យ បន្ទាប់ពីជ័យជម្នះរបស់ប្រទេសម៉ារ៉ុកលើបែលហ្ស៊ិកក្នុងការប្រកួត World Cup នៅប្រទេសកាតា បានបង្កឱ្យមានកុប្បកម្មនៅក្នុងទីក្រុងប្រ៊ុចសែល ជាមួយនឹងរថយន្ត និងម៉ូតូអគ្គិសនីមួយចំនួនត្រូវបានដុតបំផ្លាញ។ កុប្បកម្មបានកើតឡើងនៅតាមទីកន្លែងជាច្រើននៅទូទាំងរដ្ឋធានីបែលហ្ស៊ិក ដែលអ្នកគាំទ្របាល់ទាត់រាប់សិបនាក់ ខ្លះពាក់ទង់ជាតិម៉ារ៉ុក បានប៉ះទង្គិចជាមួយប៉ូលីសកុប្បកម្មដោយប្រើកាណុងបាញ់ទឹក និងឧស្ម័នបង្ហូរទឹកភ្នែក។
ប្រហែលម៉ោង៧យប់ អ្នកនាំពាក្យប៉ូលីសលោក Ilse Van de Keere បាននិយាយថា ភាពស្ងប់ស្ងាត់បានវិលមកវិញ ហើយការល្បាតបង្ការនៅតែមាននៅក្នុងផ្នែកដែលពាក់ព័ន្ធ។ ប៉ូលីសបាននិយាយថា៖ «ក្រុមកុប្បកម្មបានប្រើសម្ភារៈបាញ់កាំជ្រួច កាំជ្រួច ដំបង និងដុតបំផ្លាញនៅតាមផ្លូវសាធារណៈ។ អ្នកកាសែតម្នាក់បានរងរបួសមុខដោយសារកាំជ្រួច។ នេះជាហេតុផល ដែលសមមត្ថកិច្ចបានសម្រេចចិត្តបន្តការអន្តរាគមន៍ ជាមួយនឹងការដាក់ពង្រាយកាណុងបាញ់ទឹក និងការប្រើប្រាស់ឧស្ម័នបង្ហូរទឹកភ្នែកផងដែរ ៕
ប្រភព៖CDN
ប្រែសម្រួលដោយ៖ វាសនា
