អ៊ីស្លាម៉ាបាដ៖ ក្រុមប្រដាប់អាវុធ Tehreek-e-Taliban Pakistan (TTP) ដែលត្រូវបានគេស្គាល់ថា ជាតាលីបង់ប៉ាគីស្ថាន បានប្រកាសបញ្ចប់បទឈប់បាញ់ដែលមិនកំណត់ ដែលបានព្រមព្រៀងជាមួយរដ្ឋាភិបាលកាលពីខែមិថុនា ហើយបានចេញបញ្ជាដល់យុទ្ធជនរបស់ខ្លួនឱ្យធ្វើការវាយប្រហារនៅទូទាំងតំបន់ ក្នុងប្រទេស។
ក្រុមនេះបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា “នៅពេលដែលប្រតិបត្តិការយោធាកំពុងបន្តប្រឆាំងនឹងមូចាហ៊ីឌីននៅក្នុងតំបន់ផ្សេងៗគ្នា ។ដូច្នេះវាជាការចាំបាច់សម្រាប់អ្នកដើម្បីធ្វើការវាយប្រហារគ្រប់ទីកន្លែងដែលអ្នកអាចធ្វើបាននៅក្នុងប្រទេសទាំងមូល” ។
ក្រុមដែលប្រកាន់មនោគមវិជ្ជាជាមួយពួកតាលីបង់អាហ្វហ្គានីស្ថានបាននិយាយថា ខ្លួនកំពុងប្រឈមមុខនឹងការកើនឡើងនៃការវាយប្រហារដោយយោធាប៉ាគីស្ថាន ជាពិសេសនៅក្នុងស្រុក Lakki Marwat នៃខេត្ត Khyber Pakhtunkhwa ភាគពាយ័ព្យនៃប្រទេសប៉ាគីស្ថាន។ហើយយើងដាក់ជូនប្រជាជនប៉ាគីស្ថានថា យើងបានព្រមានអ្នកម្តងហើយម្តងទៀត និងបន្តអត់ធ្មត់ ដើម្បីកុំឱ្យដំណើរការចរចារត្រូវបានបំផ្លិចបំផ្លាញ ប៉ុន្តែកងទ័ព និងទីភ្នាក់ងារស៊ើបការណ៍សម្ងាត់មិនបញ្ឈប់ និងបន្តការវាយប្រហារនោះទេ ដូច្នេះឥឡូវនេះយើងធ្វើការតបត សងសឹកវិញ។ សេចក្តីថ្លែងការណ៍បាននិយាយថា ការវាយប្រហារក៏នឹងចាប់ផ្តើមនៅទូទាំងប្រទេសផងដែរ។
ក្រុម TTP បានធ្វើការបះបោរប្រឆាំងនឹងរដ្ឋប៉ាគីស្ថានអស់រយៈពេលជាងមួយទសវត្សរ៍មកហើយ ដោយក្រុមនេះបានទាមទារឱ្យមានការដាក់ច្បាប់អ៊ីស្លាមរឹងរូស ការដោះលែងសមាជិកសំខាន់ៗដែលត្រូវបានចាប់ខ្លួនដោយរដ្ឋាភិបាល និងការច្រានចោលការច្របាច់បញ្ចូលគ្នានៃតំបន់កុលសម្ព័ន្ធប៉ាគីស្ថានជាមួយខេត្ត Khyber Pakhtunkhwa ។
នៅថ្ងៃទី 16 ខែវិច្ឆិកា TTP បានអះអាងទទួលខុសត្រូវចំពោះការវាយប្រហារលើការល្បាតរបស់ប៉ូលីសនៅ Lakki Marwat មានចម្ងាយប្រហែល 200 គីឡូម៉ែត្រ (125 ម៉ាយល៍) ភាគនិរតីនៃទីរួមខេត្ត Peshawar ។ ប៉ូលីស ៦ នាក់ត្រូវបានសម្លាប់។ បន្ទាប់ពីការវាយប្រហារ នាយករដ្ឋមន្ត្រី Shehbaz Sharif បាននិយាយថា “អំពើភេរវកម្ម បង្កជាបញ្ហាចម្បងបំផុតមួយរបស់ប៉ាគីស្ថាន៕
ប្រភព៖ Al Jazeera
ប្រែសម្រួលដោយ៖ វាសនា