ស្ពានបេតុខ្សែកាបឫស្សីកែវឆ្លងកាត់ទន្លេសាប ស្របនឹងស្ពានបាឡេ នៅចំណុចមុខឃ្លាំងសាំង ស្ថិតក្នុងខណ្ឌឫស្សីកែវ ភ្ជាប់ទៅតំបន់ អភិវឌ្ឍន៍ជ្រោយចង្វារ ខណ្ឌជ្រោយចង្វា បានឈនដល់ការតភ្ជាប់តួស្ពានហើយនាថ្ងៃទី១៦ ខែមករា ឆ្នាំ២០២៣នេះ ដែលគ្រោងនឹងបញ្ចប់ការស្ថាបនាទាំងស្រុងនៅដើមខែមេសា ឆ្នាំ២០២៣នេះ។
ពិធីតភ្ជាប់តួស្ពានបេតុងខ្សែកាបនេះ ធ្វើឡើងក្រោមអធិបតីភាព ឯកឧត្តម ឃួង ស្រេង អភិបាលរាជធានីភ្នំពេញ និងអ្នកឧកញ៉ា ពុង ឃាវសែព្រមទាំងមានការចូលរួមពីមន្ត្រីជំនាញចំណុះអោយរដ្ឋបាលរាជធានីភ្នំពេញជាច្រើនរូបទៀត ។
ស្ពានបេតុងខ្សែកាបនេះមានប្រវែង ៩២២ ម៉ែត្រ និងទទឹង ២០,៥ ម៉ែត្រ។ ស្ពាននេះក៏មានផ្លូវថ្មើរជើងប្រវែង ១,២៥ ម៉ែត្រនៅសងខាងស្ពានផងដែរ។ ការសាងសង់ស្ពាននេះ ត្រូវបានផ្តល់ហិរញ្ញប្បទានដោយក្រុមហ៊ុន OCIC ជាមួយនឹងថវិកាចំនួន ៣៥ លានដុល្លារ។
អាជ្ញាធរបានបញ្ជាក់ថា ស្ពាននេះនឹងជួយសម្រួលចរាចរណ៍ និងផ្តល់ផ្លូវត្រង់ពីផ្លូវជាតិលេខ៥ និងផ្លូវជាតិលេខ៦ ព្រមទាំងផ្តល់ផ្លូវថ្មីទៅកាន់កីឡដ្ឋានមរតកតេជោផងដែរ ៕
ដោយ៖ សំណាង
