ក្មេងស្រីជំទង់ម្នាក់ឈ្មោះ Aleyna Olmez នៅរស់រានមានជីវិតនៅក្នុងគំនរអាគារបាក់បែករយៈពេលរហូតដល់ទៅ 248 ម៉ោង បន្ទាប់ពីគ្រោះរញ្ជួយដីដ៏កំណាចកាលពីសប្តាហ៍មុននៅប្រទេសទួរគី។
Aleyna Olmez មានអាយុ 17 ឆ្នាំត្រូវបានក្រុមអ្នកជួយសង្គ្រោះទាញចេញពីគំនរបាក់បែកនៅ Kahramanmaraş ដែលជាទីក្រុងភាគខាងត្បូងក្បែរចំណុចកណ្តាលនៃការរញ្ជួយដី។Aleyna បានរស់រានមានជីវិតរងរបួស និងនៅក្នុងលក្ខខណ្ឌអាកាសធាតុត្រជាក់រយៈពេល 10 ថ្ងៃ។
មនុស្សជាង 41,000 នាក់បានស្លាប់នៅក្នុងទីក្រុង Tukey និងប្រទេសជិតខាងស៊ីរី ដោយសារគ្រោះរញ្ជួយដីកម្រិត 7.8 រ៉ិចទ័រ។ ប្រទេសទាំងពីរមិនបានបង្ហាញថា មានមនុស្សប៉ុន្មាននាក់កំពុងបាត់ខ្លួននៅឡើយទេ។
Ali Akdogan អ្នកជីករ៉ែធ្យូងថ្មដែលបានចូលរួមក្នុងការជួយសង្គ្រោះបានប្រាប់ទីភ្នាក់ងារព័ត៌មាន AFP ថា យើងបានធ្វើការនៅទីនេះក្នុងអគារនេះមួយសប្តាហ៍ហើយ… យើងសប្បាយចិត្តគ្រប់ពេលដែលយើងរកឃើញវត្ថុមានជីវិត សូម្បីតែសត្វឆ្មាក៏ដោយ។
ភ្លាមៗបន្ទាប់ពីការជួយសង្គ្រោះ ទាហានទួរគីបានបញ្ជាឱ្យមនុស្សចាកចេញពីកន្លែងកើតហេតុ ដោយសារតែក្រុមកំពុងស្វែងរកសាកសពដែលនឹងត្រូវបានអនុវត្តក្នុងពេលឆាប់ៗនេះ៕
ប្រភព៖ BBC
ប្រែសម្រួលដោយ៖ វាសនា