មានការប៉ះទង្គិចគ្នាមួយរវាងកសិករ និងមន្ត្រីប៉ូលីសនៅ San Vicente del Caguan ក្នុងនាយកដ្ឋាន Caqueta នៃប្រទេសកូឡុំប៊ី បានបណ្តាលឲ្យមនុស្សបីនាក់ស្លាប់ និងជាច្រើននាក់ទៀតរងរបួស។ កសិករ និងជនជាតិដើមភាគតិចកំពុងតវ៉ាចំពោះការខូចខាតបរិស្ថានដែលបង្កឡើងដោយក្រុមហ៊ុនប្រេង Emerald Energy ក៏ដូចជាការបំផ្លាញផ្លូវថ្នល់ដោយរថយន្តធុងប្រេងដែលដឹកជញ្ជូនប្រេង។ ទោះបីជាបាតុកម្មបានបន្តអស់រយៈពេលជាងពីរសប្តាហ៍មកហើយក៏ដោយ ប៉ុន្តែកាលពីព្រឹកថ្ងៃព្រហស្បតិ៍ ក្រុមអ្នកតវ៉ាបានព្យាយាមដណ្តើមយកគ្រឿងបរិក្ខាររបស់ក្រុមហ៊ុន និងដុតដុតបំផ្លាញចោលដើម្បីទាមទារប្រាក់ និងការត្រួសត្រាយផ្លូវប្រវែង 42 គីឡូម៉ែត្រ។ការប្រឈមមុខដាក់គ្នានេះ បានធ្វើឱ្យមន្ត្រី២នាក់ និងកសិករម្នាក់ស្លាប់ និងច្រើននាក់រងរបួស ។
អភិបាលក្រុង San Vicente del Caguan លោក Julian Perdomo បានធ្វើការអំពាវនាវជាបន្ទាន់ទៅកាន់រដ្ឋាភិបាល ដើម្បីគ្រប់គ្រងតំបន់នេះឡើងវិញ ខណៈដែលមន្ត្រីប៉ូលីសមួយចំនួនបានបង្ហាញខ្លួននៅក្នុងវីដេអូដែលកំពុងត្រូវបានរក្សា និងដកហូតឧបករណ៍ការពាររបស់ពួកគេ។
ប្រធានាធិបតី Gustavo Petro បាននិយាយថា “គណៈកម្មាការនៃក្រសួងការពារជាតិ ក្រសួងមហាផ្ទៃ និងកងកម្លាំងប្រដាប់អាវុធ កំពុងចាកចេញដើម្បីចូលរួមមើលស្ថានភាព Pozos នៅ San Vicente del Caguan”។ លោកបានថ្លែងថា៖ «ខ្ញុំបានបញ្ជាឲ្យបញ្ឈប់អំពើហិង្សា។ គណបក្សប្រឆាំងបានចោទសួរពីចំណាត់ការរបស់ប្រធានាធិបតីដែលពួកគេនិយាយថា បានប្រតិកម្មយឺតយ៉ាវ៕
ប្រភព៖ A News
ប្រែសម្រួលដោយ៖ វាសនា