ការប្រណាំងនេះ បាននាំគាត់ឆ្លងកាត់ចម្ងាយជិត 1,609 គីឡូម៉ែត្រ (1,000 ម៉ាយ)ព្រៃ spruce ក្រាស់ ចុះជ្រោះ និងឡើងភ្នំដែលគ្របដណ្តប់ដោយព្រិល។ ប៉ុន្តែកាលពីថ្ងៃអង្គារ ជនជាតិដើមអាឡាស្កា Ryan Redington បានឈ្នះការប្រកួត 2023 Iditarod Trail Sled Dog Raceនេះ ដែលជាការប្រកួតជិះរទេះឆ្កែដ៏មានកិត្យានុភាពបំផុតនៅក្នុងសហរដ្ឋអាមេរិក។ ទោះជាយ៉ាងណាក៏ដោយ ការឈ្នះនៅឆ្នាំនេះមានសារៈសំខាន់ជាពិសេសសម្រាប់ Redington ដែលបានដឹកនាំសត្វឆ្កែចំនួនប្រាំមួយទៅកាន់ជ័យជម្នះនៅទីក្រុង Nome រដ្ឋ Alaska។
បុរសរូបនេះមានអាយុ 40 ឆ្នាំគឺជាចៅប្រុសរបស់ Joe Redington Sr ដែលមានរហស្សនាមថា “ឪពុករបស់ Iditarod” ។ ព្រឹទ្ធាចារ្យ Redington បានស្លាប់នៅក្នុងឆ្នាំ 1999 គឺជាអ្នកចិញ្ចឹមឆ្កែតាមរដូវកាល ដែលបានជួយជើងឯកប្រណាំងឆ្កែ នៅពេលទំនៀមទម្លាប់នេះត្រូវបានគំរាមកំហែងដោយការកើនឡើងនៃការប្រើប្រាស់រថយន្តជិះលើទឹកកក។ គាត់និងអ្នកជំនួញ Dorothy Page បានចាប់ផ្តើមការប្រណាំង Iditarod ដំបូងនៅក្នុងឆ្នាំ 1973 ។ អ្នកឈ្នះនៅថ្ងៃអង្គារម្សិលម៉ិញនេះ ត្រូវបានគេរំពឹងថា នឹងនាំយកកាបូបដែលមានតម្លៃប្រហែល50,000ដុល្លារមកផ្ទះ ក្នុងចំណោមប្រាក់រង្វាន់សរុបចំនួន 500,000ដុល្លារ សម្រាប់ការប្រកួតទាំងមូល។
អ្នកបញ្ចប់ការប្រណាំងកំពូលទាំងបីក្នុងការប្រណាំងឆ្នាំនេះគឺជាជនជាតិអាឡាស្កាទាំងអស់។ នៅក្នុងការរត់ចុងក្រោយ Dena’ina Athabascan sleder Richie Diehl និងអ្នកឈ្នះឆ្នាំ 2019 Pete Kaiser ដែលជាអ្នកបានចូលរួមជាមួយ Redington នៅផ្នែកខាងមុខនៃក្រុម។ Redington ក្លាយជាជនជាតិដើមអាឡាស្កាទីប្រាំមួយ ដែលបានឈ្នះការប្រណាំងប្រកួតនេះ៕
ប្រភព៖ Al Jazeera
ប្រែសម្រួលដោយ៖ វាសនា
