ប្រធានាធិបតីអ៊ុយក្រែនលោក Volodymyr Zelensky បានស្វាគមន៍ជំនួយយោធាថ្មីពីសហភាពអឺរ៉ុប និងសហរដ្ឋអាមេរិក ជាការជំរុញដល់សមត្ថភាពការពារប្រទេសរបស់លោក។
លោក Zelensky បាននិយាយនៅក្នុងសារវីដេអូប្រចាំថ្ងៃរបស់គាត់កាលពីល្ងាចថ្ងៃច័ន្ទម្សិលម៉ិញនេះថា “ការដឹកជញ្ជូនលឿន និងការផលិតគ្រាប់រំសេវក៏ត្រូវបានរំពឹងទុក” ។ លោកបានបន្ថែមថា៖ «នេះជាជំហានយុទ្ធសាស្ត្រ។
លោកបាននិយាយថា សហភាពអឺរ៉ុបកំពុងចំណាយប្រាក់ចំនួន 2 ពាន់លានអឺរ៉ូ (2.14 ពាន់លានដុល្លារ) ដើម្បីផ្គត់ផ្គង់អ៊ុយក្រែនជាមួយនឹងគ្រាប់កាំភ្លើងធំចំនួន 1 លានគ្រាប់ក្នុងរយៈពេល 12 ខែខាងមុខ ដើម្បីប្រយុទ្ធជាមួយប្រទេសរុស្ស៊ី។
លោកបានបន្តថា សហរដ្ឋអាមេរិកបានដាក់កញ្ចប់ថវិកាការពារថ្មីចំនួន ៣៥០ លានដុល្លារដើម្បីទិញសព្វាវុធ និងគ្រាប់រំសេវថ្មី។នេះជាការពង្រឹងការជឿជាក់ថា យើងរួបរួមគ្នា ឆ្ពោះទៅរកជ័យជម្នះលើរដ្ឋភេរវកក។
លោកបាននិយាយថា សមាជិកសហភាពអឺរ៉ុបបានបង្ហាញឱ្យឃើញថា ពួកគេចាប់អារម្មណ៍យ៉ាងពិតប្រាកដចំពោះអឺរ៉ុបដែលមានភាពរឹងមាំ និងសេរីភាព។
មុននេះលោកប្រធានាធិបតី Zelensky បានទូរស័ព្ទទៅមេដឹកនាំសហភាពអឺរ៉ុបដើម្បីថ្លែងអំណរគុណដោយផ្ទាល់ចំពោះការគាំទ្ររបស់ពួកគេ៕
ប្រភព៖ A News
ប្រែសសម្រួលដោយ៖ វាសនា
