យ៉ាងហោចណាស់មនុស្ស 21 នាក់បានស្លាប់ និងជាច្រើននាក់ផ្សេងទៀតកំពុងបាត់ខ្លួនមួយថ្ងៃបន្ទាប់ពីការរអិលបាក់ដីនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ។ លោក Voltaire Batundi មេដឹកនាំសង្គមស៊ីវិលនៅក្នុងទឹកដី Masisi បាននិយាយថា សាកសពស្ត្រី 8 នាក់ និងកុមារ 13 នាក់ត្រូវបានរកឃើញបន្ទាប់ពីការបាក់ដីបានវាយប្រហារទន្លេមួយក្នុងតំបន់ Bolowa កាលពីថ្ងៃអាទិត្យ ខណៈដែលមនុស្សកំពុងបោកគក់សម្លៀកបំពាក់ និងសម្អាតឧបករណ៍ផ្ទះបាយ។
លោកបានបន្ថែមថា មនុស្សម្នាក់បានរួចជីវិត ហើយត្រូវបានគេយកទៅមណ្ឌលសុខភាព។ គាត់បានប្រាប់ទីភ្នាក់ងារសារព័ត៌មានរ៉យទ័រតាមទូរស័ព្ទថា “យើងគិតថាប្រហែលជានៅក្នុងភក់នៅមានសាកសពផ្សេងទៀត”។ អ្នកនាំពាក្យរបស់អភិបាលខេត្ត North Kivu ដែលរួមមានលោក Masisi បាននិយាយថា កិច្ចខិតខំប្រឹងប្រែងស្វែងរកបានបន្តកាលពីថ្ងៃច័ន្ទ។
លោក Fabrice Muphirwa Kubuya ប្រធានក្រុមសង្គមស៊ីវិល Osso-Banyungu បាននិយាយថា “ការរអិលបាក់ដីនេះបានកើតឡើងនៅកណ្តាលថ្ងៃត្រង់ នៅក្នុងភូមិ Bulwa” ដោយបានធ្វើឱ្យចំនួនអ្នកស្លាប់បណ្តោះអាសន្នមានចំនួន 30នាក់ ដែលត្រូវបានដកស្រង់ដោយទីភ្នាក់ងារ Anadolu ។ លោកបានបន្ថែមថា ការរអិលបាក់ដីអាចបណ្តាលមកពីភ្លៀងធ្លាក់ខ្លាំងជាច្រើនថ្ងៃ៕
ប្រភព៖ Al Jazeera
ប្រែសម្រួលដោយ៖ វាសនា
