ទ្រព្យសម្បត្តិសរុបរបស់មហាសេដ្ឋីទាំង 25 របស់ពិភពលោកបានធ្លាក់ចុះពី 200 ពាន់លានដុល្លារទៅ 2.1 ពាន់ពាន់លានដុល្លារ នេះបើធៀបនឹងទ្រព្យសម្បត្តិសរុបរបស់មហាសេដ្ឋីទាំងនោះ ដែលមានកាលពីឆ្នាំមុនប្រមាណជា 2.3 ពាន់ពាន់លានដុល្លារ។ នេះបើយោងតាមបញ្ជីមហាសេដ្ឋីពិភពលោករបស់ទស្សនាវដ្ដី Forbes ចេញផ្សាយកាលពីថ្ងៃអង្គារម្សិលម៉ិញនេះ។
នៅក្នុងសេចក្តីថ្លែងការណ៍មួយបានឱ្យដឹងថា ពីរភាគបីនៃអ្នកមានបំផុតលើលោកទាំង 25 នាក់ ឥឡូវនេះបានធ្លាក់ចុះ ជាងឆ្នាំមុន បើប្រៀបធៀបទៅនឹងពាក់កណ្តាលនៃបញ្ជីទាំងមូល។
ស្ថាបនិកក្រុមហ៊ុន Amazon លោក Jeff Bezos អាយុ 59 ឆ្នាំបានបាត់បង់ច្រើនបំផុតដោយសារភាគហ៊ុនរបស់ក្រុមហ៊ុនពាណិជ្ជកម្មអេឡិចត្រូនិកបានធ្លាក់ចុះ 38% ដែលបណ្តាលឱ្យបាត់បង់ទ្រព្យសម្បត្តិ 57 ពាន់លានដុល្លារដល់ 114 ពាន់លានដុល្លារ ហើយបានរុញគាត់ពីចំណាត់ថ្នាក់ទីពីរក្នុងឆ្នាំ 2022 មកចំណាត់ថ្នាក់លេខ 3វិញ ។
លោកElon Musk នាយកប្រតិបត្តិក្រុមហ៊ុន Tesla, SpaceX និង Twitter បានឃើញតម្លៃរបស់គាត់ធ្លាក់ចុះពី 39 ពាន់លានដុល្លារទៅ 180 ពាន់លានដុល្លារ។ បុរសវ័យ 51 ឆ្នាំរូបនេះបានបាត់បង់តំណែងរបស់គាត់នៅលើកំពូលហើយជាប់ចំណាត់ថ្នាក់ទី 2 ក្នុងបញ្ជី។
លោក Bernard Arnault អាយុ 74 ឆ្នាំ ជាប្រធាន និងជានាយកប្រតិបត្តិនៃមហាអំណាចម៉ូដបារាំង LVMH Moët Hennessy Louis Vuitton ជាប់ចំណាត់ថ្នាក់លេខ 1 ខណៈដែលគាត់បានឃើញទ្រព្យសម្បត្តិរបស់គាត់កើនឡើងពី 53 ពាន់លានដុល្លារដល់ 211 ពាន់លានដុល្លារ។
មហាសេដ្ឋីពីរនាក់បានចូលរួមជាមួយកំពូលមហាសេដ្ឋីទាំង 25 ក្នុងឆ្នាំ 2023 គឺមានមហាសេដ្ឋីប្រព័ន្ធផ្សព្វផ្សាយកាណាដា David Thomson និងសហស្ថាបនិកក្រុមហ៊ុន Nike លោក Phil Knight ។
កាសែតដដែលនេះបានបន្ថែមថា៖ «ជនជាតិអាមេរិកត្រួតត្រាលើកំពូលមហាសេដ្ឋី ដោយដណ្តើមបាន ១៧ តំណែងក្នុងចំណោមមហាសេដ្ឋី ២៥ តំណែងតាមពីក្រោយដោយប្រទេសបារាំង និងប្រទេសឥណ្ឌា ដោយមានពីរចំណែក។ក្នុងចំណោមពួកគេទាំងនោះគឺភាគច្រើនរកលុយបានតាមរយៈបច្ចេកវិទ្យា៕
ប្រភព៖ A News
ប្រែសម្រួលដោយ៖ វាសនា