បណ្តាប្រទេសលោកខាងលិចកំពុងបង្កើនភាពច្របូកច្របល់ជុំវិញផែនការរបស់រុស្ស៊ីក្នុងការដាក់អាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស្ស ។លេខាធិការសារព័ត៌មានវិមានក្រឹមឡាំង លោក Dmitry Peskov បានស្នើនៅក្នុងបទសម្ភាសន៍មួយដែលបានចេញផ្សាយកាលពីថ្ងៃអាទិត្យ។ ថ្លែងទៅកាន់ទូរទស្សន៍ Russia 1 លោក Peskov បានរិះគន់អ្វីដែលលោកហៅថា ប្រតិកម្ម របស់បស្ចិមលោក ចំពោះការសម្រេចចិត្តរបស់ប្រធានាធិបតី Vladimir Putin ក្នុងការដាក់ពង្រាយនុយក្លេអ៊ែរនៅក្នុងប្រទេសបេឡារុស្សនៅរដូវក្តៅនេះ ដែលធ្វើតាមសំណើរម្តងហើយ ម្តងទៀតពីសមភាគីបេឡារុស្ស Alexander Lukashenko ។
ការសម្រេចចិត្តនេះត្រូវបានប្រកាសដោយលោកពូទីនកាលពីចុងខែមីនា ដែលបាននិយាយនៅពេលនោះថា ការផ្លាស់ប្តូរនេះត្រូវបានជំរុញដោយការសម្រេចចិត្តរបស់ចក្រភពអង់គ្លេសក្នុងការផ្តល់ឱ្យអ៊ុយក្រែននូវគ្រាប់បែកអ៊ុយរ៉ានីញ៉ូម។ លោកក៏បានសន្យាថា រុស្ស៊ីនឹងនៅតែគ្រប់គ្រងអាវុធនុយក្លេអ៊ែររបស់ខ្លួន ដោយកត់សម្គាល់ថា សកម្មភាពរបស់ទីក្រុងមូស្គូមិនខុសគ្នាច្រើនពីអ្វីដែលធ្វើឡើងដោយសហរដ្ឋអាមេរិកនោះទេ។
ពួកគេបានពង្រាយអាវុធនុយក្លេអ៊ែរយុទ្ធសាស្ត្ររបស់ពួកគេជាយូរមកហើយនៅលើទឹកដីនៃសម្ព័ន្ធមិត្តរបស់ពួកគេ។ យើងបានយល់ព្រមថាយើងនឹងធ្វើដូចគ្នាដោយមិនបំពានលើកាតព្វកិច្ចអន្តរជាតិរបស់យើងលើការមិនរីកសាយនៃអាវុធនុយក្លេអ៊ែរឡើយ។ សព្វថ្ងៃនេះ សព្វាវុធនុយក្លេអ៊ែរយុទ្ធសាស្ត្ររបស់អាមេរិកត្រូវបានគេដាក់នៅក្នុងប្រទេសចំនួនប្រាំរបស់អង្គការអូតង់អឺរ៉ុបគឺមាន បែលហ្សិក អាល្លឺម៉ង់ អ៊ីតាលី ហូឡង់ និងទួរគី។ ការប្រកាសរបស់លោកពូទីនបានធ្វើឱ្យមន្ត្រីលោកខាងលិចខឹងសម្បារ ដោយប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានរិះគន់ថា វាជា “ការកើនឡើងដែលមិនទទួលខុសត្រូវ” ខណៈពេលដែលគំរាមកំហែងដល់បេឡារុស្សជាមួយនឹងទណ្ឌកម្មថ្មី។
ទន្ទឹមនឹងនេះដែរ ប្រធានាធិបតីអាមេរិក លោក Joe Biden បានពិព័រណ៍នារាល់ការនិយាយស្តីអំពីការបោះទីតាំងនុយក្លេអ៊ែររុស្ស៊ីនៅក្នុងប្រទេសបេឡារុស្សថា ជា “គ្រោះថ្នាក់” និង “គួរឱ្យព្រួយបារម្ភ” ។ ក្នុងពេលជាមួយគ្នានេះ អ្នកនាំពាក្យក្រុមប្រឹក្សាសន្តិសុខជាតិ លោកស្រី Adrienne Watson បាននិយាយថា ទីក្រុងវ៉ាស៊ីនតោន មិនបានឃើញសញ្ញាណាមួយដែលបង្ហាញថា រុស្ស៊ីគ្រោងនឹងប្រើប្រាស់អាវុធនុយក្លេអ៊ែរនោះទេ ដោយបន្ថែមថា សហរដ្ឋអាមេរិកគ្មានហេតុផលដើម្បីផ្លាស់ប្តូរជំហរយុទ្ធសាស្ត្ររបស់ខ្លួនឡើយ៕
ប្រភព៖ RT
ប្រែសម្រួលដោយ៖ វាសនា