ភ្នំពេញ៖ សហព័ន្ធកីឡាគុនខ្មែរ និងឃីកបុកស៊ីងបានរៀបចំពិធីសំណេះសំណាល់ និងពិសារបាយសាមគ្គី មហាគ្រួសារនៃសហព័ន្ធទាំងពីរ ដែលបានចូលក្នុងព្រឹត្តិការណ៍កីឡា SEA GAMES 2023 លើកទី៣២ ដែលបានប្រព្រឹត្តិទៅនៅល្ងាចថ្ងៃទី២៩ ខែឧសភា ឆ្នាំ២០២៣ នៅសណ្ឋាគារភ្នំពេញ។
កម្មវិធីដ៏រីករាយនេះធ្វើឡើងក្រោមវត្តមានរបស់ឯកឧត្តម ឧត្ដមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ និងឯកឧត្ដម ហេង សុខឃន ប្រធានសហព័ន្ធកីឡា ឃីក បុក ស៊ីង ថ្នាក់ដឹកនាំកីឡាទាំងពីរ កីឡាករ កីឡាការនី និងព្រឹទ្ធាចារ្យកីឡាជាច្រើនរូបទៀត។
ឯកឧត្តម ឧត្ដមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ និង ឯកឧត្ដម ហេង សុខ ឃន ប្រធានសហព័ន្ធកីឡា ឃីក បុក ស៊ីង បានអញ្ជើញសំណេះ សំណាល់ និង ពិសារបាយសាមគ្គី មហា គ្រួសារ នៃសហព័ន្ធទាំង ពីរ ដែលបានចូលក្នុង ព្រឹត្តិការណ៍កីឡា SEA GAMES 2023 លើកទី៣២ ដែលជាព្រឹត្តិការណ៍ប្រវត្តិសាស្រ្តរបស់ប្រទេសកម្ពុជា ដែលសហព័ន្ធកីឡាប្រដាល់គុនខ្មែរ ដណ្តើមបានមេដាយមាសចំនួន១៤ គ្រឿង មេដាយប្រាក់ចំនួន ៣ គ្រឿង និងមេដាយសំរិទ្ធ ២ គ្រឿង។ ចំណែកសហព័ន្ធកីឡា ឃីក បុកស៊ីង ដណ្តើមបានមេដាយមាសចំនួន ៦ គ្រឿង មេដាយប្រាក់ ១ គ្រឿង និងមេដាយសំរិទ្ធ ៦ គ្រឿង។
ក្នុងឱកាសនេះដែរ ឯកឧត្តម ប្រធានសហព័ន្ធទាំងពីរបានបន្តថា ជាពិសេសនោះដែរ ក្នុងនាម ឯកឧត្តមទាំងពីរ សូមថ្លែងអំណរគុណ យ៉ាងជ្រាលជ្រៅចំពោះ ក្រុមហ៊ុនភាពជាដៃគូ គឺក្រុមហ៊ុនឆាមពានគ្រុបដោយបានឧបត្ថម្ភទឹកប្រាក់ចំនួន ១០០ លានរៀលជូនមន្ត្រីបច្ចេកទេស គ្រូបង្វឹក កីឡាករ កីឡាការិនី របស់សហព័ន្ធទាំងពីរ ។
សូមជម្រាបផងដែរថា នេះជាការជួបជុំមួយដ៏រីករាយបន្ទាប់ពីការប្រកួតកីឡាប្រដាល់គុនខ្មែរក៏ដូចជាវិញាសាឃីបុកស៊ីង នៅក្នុងព្រឹត្តិការណ៍ស៊ីហ្គេមលើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះបានបញ្ចប់ទៅ ប្រកបដោយភាពជោគជ័យកាលពីពេលថ្មីៗនេះផងដែរ៕
ដោយ៖វិកគី
