មន្ត្រីម្នាក់បាននិយាយថា យ៉ាងហោចណាស់មនុស្សចំនួន 3នាក់បានស្លាប់ និង 5 នាក់ផ្សេងទៀតបានរងរបួស នៅក្នុងការផ្ទុះមួយដែលត្រូវបានគេជឿថា បណ្តាលមកពីការលេចធ្លាយឧស្ម័ននៅក្នុងអគារលំនៅដ្ឋានមួយក្នុងរដ្ឋធានី Kyiv របស់អ៊ុយក្រែន កាលពីថ្ងៃព្រហស្បតិ៍ម្សិលម៉ិញនេះ។
លោក Serhiy Popko ប្រធានរដ្ឋបាលយោធារដ្ឋធានី Kyiv បាននិយាយនៅលើ Telegram ថា ជាលទ្ធផលនៃការផ្ទុះនៅក្នុងអគារខ្ពស់ បណ្តាលឱ្យមនុស្ស 3 នាក់បានស្លាប់, 5 នាក់បានរងរបួស និង 20 នាក់ទៀតត្រូវបានជួយសង្គ្រោះ ។ហើយអ្នករស់នៅអគារ ១៦ ជាន់ត្រូវបានផ្តល់ជំនួយផ្នែកវេជ្ជសាស្ត្រ និងផ្លូវចិត្ត។
បើតាមប្រធានរដ្ឋបាលយោធារដ្ឋធានី Kyiv ដដែលបានឱ្យដឹងទៀតថាមានអាគារជាន់ជាច្រើន និងផ្ទះល្វែងចំនួន 4 ត្រូវបានបំផ្លាញ ហើយរចនាសម្ព័ន្ធដែលខូចខាតកំពុងត្រូវបានរុះរើ ដោយមានជំនួយពីរថយន្តស្ទូចចល័ត និងបុគ្គលិកជួយសង្គ្រោះប្រចាំនៅរដ្ឋធានី Kyiv ៕
ប្រភព៖ A News
ប្រែសម្រួលដោយ៖ វាសនា