ភ្នំពេញ៖ បុរសម្នាក់ជិះម៉ូតូតាមដងផ្លូវបំណងទៅផ្ទះស្រាប់តែមានជនសង្ស័យមួយក្រុមបើកម៉ូតូ២គ្រឿងប្រដាប់ដោយកាំបិតដេញកាប់បណ្តាលឱ្យរងរបួសបំណងប្លន់តែមិនបានសម្រេច។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីម៉ោង១ និង៣០នាទីរំលងអាធ្រាត្រឈានចូលថ្ងៃទី១៤ ខែកក្កដា ឆ្នាំ២០២៣ នៅចំណុចមុខវត្តភ្នៀតសិប្ពលី តាមបណ្តោយផ្លូវបេតុង សង្កាត់ស្នោ ខណ្ឌកំបូល។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុជនរងគ្រោះបើកម៉ូតូម៉ាកហុងដាវ៉េវពណ៌ក្រហម ពាក់ស្លាកលេខ សៀមរាប 1J-7216 ធ្វើដំណើរតាមបណ្តោយផ្លូវបេតុងក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានជនសង្ស័យមួយក្រុមមានគ្នា៤នាក់ជិះម៉ូតូ២គ្រឿងប្រដាប់ដោយកាំបិតជិះមកពីក្រោយដេញកាប់បំណងប្លន់យកម៉ូតូតែមិនបានសម្រេចបណ្តាលឱ្យរងរបួស ភ្លាមៗនោះជនរងគ្រោះស្រែកឆោឡោឡើងទើបជនសង្ស័យភ័យក៏រត់គេចខ្លួនបាត់ទៅ។
បន្ទាប់ពីកើតហេតុសមត្ថកិច្ចបានចុះមកដល់ចំណុចកើតហេតុបាននាំជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបានស្នោរដើម្បីកំណត់មុខសញ្ញាស្វែងរកចាប់ខ្លួនមកផ្តន្ទាទោសទៅតាមច្បាប់៕
ដោយ៖វិសាល