មនុស្សជាង 52នាក់បានរងរបួសនៅក្នុងទីក្រុង Stockholm កាលពីថ្ងៃព្រហស្បតិ៍ម្សិលម៉ិញនេះ ក្នុងនោះមានជនរងគ្រោះចំនួន 8នាក់បានរងរបួសធ្ងន់ នៅក្នុងអំពើកុបកម្មហិង្សាមួយបានផ្ទុះឡើងនៅក្រៅពិធីបុណ្យវប្បធម៌ Eritrean ។
អ្នកនាំពាក្យប៉ូលីសម្នាក់បានប្រាប់ទូរទស្សន៍ SVT ថា មន្ត្រីប៉ូលីសបីនាក់ក៏បានរងរបួសផងដែរ។ ប៉ូលីសបានបើកការស៊ើបអង្កេតលើកុប្បកម្មហិង្សា ការដុតបំផ្លាញ និងការបំផ្លិចបំផ្លាញយ៉ាងធ្ងន់ធ្ងរនៃសេវាសង្គ្រោះបន្ទាន់។
ប្រព័ន្ធផ្សព្វផ្សាយស៊ុយអែតបានរាយការណ៍ថា ក្រុមបាតុករមានគ្នាប្រហែល 1 000 នាក់បានប្រមូលផ្តុំគ្នានៅកន្លែងនោះ ដោយគប់ដុំថ្មទៅលើមន្ត្រីប៉ូលីស។ខ្សែអាត់វីដេអូពីកន្លែងកើតហេតុបានបង្ហាញពីភ្លើងឆេះនៅកន្លែងពិធីបុណ្យ ក្នុងនោះមានយានយន្តមួយចំនួន ក៏ត្រូវបានក្រុមកុបករដុតបំផ្លាញផងដែរ។យោងតាមមន្ត្រីប៉ូលីសក្នុងតំបន់បានឱ្យដឹងថា មនុស្សជាង 100 នាក់ត្រូវបានចាប់ខ្លួន។
ពិធីបុណ្យនេះត្រូវបានគេរិះគន់ជាយូរមកហើយ ដោយសារតែទំនាក់ទំនងរបស់ខ្លួនជាមួយ Eritrean ដែលត្រូវបានចាត់ទុកថាជាការគាបសង្កត់។
ពិធីបុណ្យនេះត្រូវបានប្រារព្ធឡើងអស់រយៈពេលជាច្រើនឆ្នាំនៅលើវាលស្មៅមួយនៅភាគខាងជើងនៃរដ្ឋធានីស៊ុយអែត។ បើតាមប៉ូលីសបាននិយាយថា វាជាការជួបប្រជុំជាមួយ ដើម្បីធ្វើសិក្ខាសាលា ការជជែកដេញដោល ការប្រកួតច្រៀង និងការតាំងពិព័រណ៍ផងដែរ៕
ប្រភព៖ A News
ប្រែសម្រួលដោយ៖ វាសនា
