ដោយសារតែភ្លើងប្រច័ណ្ឌធ្វើឱ្យបុរសជាប្តីដាច់ចិត្តទាញពូថៅ កាប់ផ្តាច់ជីវិតប្រពន្ធពេលនាងកំពុងសម្រាកលង់លក់ក្នុងដំណេក បន្ទាប់ពីកាប់សម្លាប់ប្រពន្ធហើយ បុរសជាប្តីបានព្យាយាមរត់គេចខ្លួន ប៉ុន្តែត្រូវបានកម្លាំងសមត្កិច្ចឡោមព័ទ្ធជាប់ ហើយរូបគេក៏សម្រេចចិត្តចងកសម្លាប់ខ្លួននៅលើដើមឈើតែម្ដងទៅ។
ហេតុការណ៍បុរសជាប្តីទាញពូថៅកាប់ប្រពន្ធរហូតដល់ស្លាប់នេះ បានកើតឡើងកាលពីវេលាម៉ោង១០ និង៤០នាទីយប់ថ្ងៃទី១៥ ខែសីហា ឆ្នាំ២០២៣ នៅចំណុចភូមិក្រាំងតាចរ ឃុំរុងរឿង ស្រុកថ្ពង ខេត្តកំពង់ស្ពឺ។
បន្ទាប់ពីទទួលបានព័ត៌មាននេះភ្លាម សមត្ថកិច្ចមូលដ្ឋានបានចុះទៅដល់ ដើម្បីធ្វើកំណត់ហេតុ និងប្រគល់សាកសពឱ្យទៅសាច់ញាត្តិយកទៅធ្វើបុណ្យតាមប្រពៃណីសាសនា៕
ដោយ៖ សំណាង