ខ្មោចរថយន្តប្រណាំង Ferrari ចាស់មួយគ្រឿងដែលឆេះអស់នៅសល់តែផ្នែកខ្លះនៃតួរថយន្ត ត្រូវបានគេដាក់លក់ដេញថ្លៃនៅសហរដ្ឋអាមេរិកក្នុងតម្លៃជិត ២ លានដុល្លារ (១,៥ លានផោន)។រថយន្តនេះបានឆេះ នៅកំឡុងពេលប្រណាំង នៅក្នុងទសវត្សរ៍ឆ្នាំ 1960 ហើយមិនត្រូវបានគេប៉ះពាល់អស់រយៈពេលជាច្រើនទសវត្សរ៍មកហើយ។លោក Franco Cortese ជាអ្នកបើកបរប្រណាំងដំបូងរបស់រថយន្តFerrariនេះ។
អ្នកវិភាគបាននិយាយថា អ្នកទិញថ្មីប្រហែលជាចង់ស្ដារវាឡើងវិញដើម្បីឲ្យវាអាចប្រណាំងម្ដងទៀត។ រថយន្តនេះ ផលិតនៅឆ្នាំ 1954 គឺជារថយន្ត 500 Mondial Spider Series I ដែលជារថយន្តមួយក្នុងចំណោមរថយន្តទាំង 13 ដែលមិនធ្លាប់មាន ដែលផលិតដោយអ្នករចនា Pinin Farina ។ នៅឆ្នាំ 1954 Cortese បានបើកឡាន Mondial ដល់ទីបញ្ចប់ទី 14 នៅ Mille Miglia ដែលជាការប្រណាំងចម្ងាយ 1,000 ម៉ាយ (1,600 គីឡូម៉ែត្រ) ឆ្លងកាត់ប្រទេសអ៊ីតាលី។
ប៉ុន្មានឆ្នាំមកនេះ Mondial បានធ្លាក់ជាច្រើនលើក និងរងការខូចខាតដោយភ្លើង។ នៅឆ្នាំ 1978 វាត្រូវបានទិញដោយអ្នកប្រមូលទិញរថយន្តចាស់ៗរបស់ជនជាតិអាមេរិកម្នាក់ ដែលរក្សាទុកវានៅក្នុងកន្លែងរថយន្តចាស់ៗ ខូចៗ។ នៅឆ្នាំ 2004 រថយន្តនេះត្រូវបានគេរកឃើញ – រួមជាមួយ Ferraris 19 ផ្សេងទៀត – នៅពេលដែលខ្យល់ព្យុះបានបក់ដំបូលចេញពីជង្រុកដែលពួកគេត្រូវបានរក្សាទុកនៅក្នុងរដ្ឋផ្លរីដា។
អ្នកដេញថ្លៃ RM Sotheby’s បាននិយាយថា យានជំនិះនេះនឹងត្រូវការស្តារឡើងវិញ ដើម្បីប្រគល់រថយន្តឱ្យមកស្ថានភាពល្អប្រសើរឡើងវិញ៕
ប្រភព៖ BBC
ប្រែសម្រួលដោយ៖ វាសនា
