សមត្ថកិច្ចនគរបាលខេត្តបាត់ដំបងបានចុះប្រតិបត្តិការបង្ក្រាបករណីជួញដូរគ្រឿងញៀន ០១ករណី ក្នុងបទល្មើស ជាក់ស្តែង និងឃាត់ ខ្លួន ជនសង្ស័យបាន ចំនួន០២នាក់ នៅចំណុចភូមិអង់សង្កាត់អូរចារក្រុងបាត់ដំបង ខេត្តបាត់ដំបង កាលពីវេលាម៉ោង១៧ និង១៥នាទីថ្ងៃទី១៧ ខែកញ្ញា ឆ្នាំ ២០២៣នេះ។
ការចុះប្រតិបត្តិការបង្ក្រាបនេះគឺអនុវត្តតាមយោបល់ ដឹកនាំ របស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និង លោក វរសេ នីយ៍ឯក សុខ និមល ស្នងការរងផែនការងារប្រឆាំងគ្រៀងញៀន លោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងញៀនបានដឹកនាំកម្លាំងក្នុងការិយាល័យចុះប្រតិបត្តិការបង្ក្រាបផ្ទាល់។
ជនសង្ស័យចំនួន០២នាក់ ដែលសមត្ថកិច្ចធ្វើការចាប់ឃាត់ខ្លួននោះគឺទី១ ឈ្មោះជា ស្រស់ ហៅ តឿ ភេទប្រុស អាយុ២៨ឆ្នាំ មានទីលំនៅភូមិអង់ សង្កាត់អូរចារ ក្រុងបាត់ ដំបងខេត្តបាត់ដំបង និងទី២ឈ្មោះ ញឹប សីហា ភេទប្រុស អាយុ៣២ឆ្នាំ មានទីលំនៅភូមិអង់ សង្កាត់អូរចារ ក្រុង បាត់ដំបង ខេត្តបាត់ដំបង ។
**វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៤ថង់ ទម្ងន់ ១៦,៤១ក្រាម (ទាំងសំបក)
-ទូរស័ព្ទដៃចំនួន ០២គ្រឿង (ចាស់)
-សម្ភារៈសម្រាប់រំលែកច្រកថ្នាំញៀនលក់ និងសម្ភារសម្រាប់ប្រើប្រាស់ថ្នាំញៀនមួយចំនួន ។
ពេលនេះជនសង័្សយ និងវត្ថុតាងសមត្ថកិច្ចនគរបាលកំពុងរៀបចំសំណុំរឿងបញ្ជូនទៅសាលាដំបូងខេត្តបាត់ដំបងដើម្បីអនុវត្តទៅតាមនីតិវិថីច្បាប់៕
ដោយ៖ សំណាង
