កម្មករទូកនេសាទម្នាក់ដែលបានធ្លាក់ទឹកបាត់ខ្លួននៅក្នុងលំហសមុទ្រកាលពីយប់ថ្ងៃទី២៧ ខែកញ្ញា ឆ្នាំ ២០២៣ ពេលជនរងគ្រោះទម្លាក់យុថ្កាទូកនៅម្តុំខាងមុខកងការពារកោះកុងក្រៅលេខ២ ស្ថិតនៅភូមិសាស្ត្រ ឃុំជ្រោយប្រស់ ស្រុកកោះកុង ខេត្តកោះកុងនោះ បានរកឃើញសាសពហើយ កាលពីល្ងាចថ្ងៃទី២៨ ខែកញ្ញា ឆ្នាំ២០២៣នេះ។
ប្រតិបត្តិការស្វែងរកសាកសពជនរងគ្រោះ ដែលធ្លាក់ទឹកបាត់ខ្លួននៅក្នុងលំហសមុទ្រ ក្នុងភូមិសាស្ត្រ ឃុំជ្រោយប្រស់ ស្រុកកោះកុង ខេត្តកោះកុងនោះគឺមានកិច្ចអន្តរាគមន៍ពីសមត្ថកិច្ចស្នាក់ការសន្តិសុខឡាំដាំ ទីបញ្ជាការជួរមុខ អគ្គលេខាធិការដ្ឋាននៃគណៈកម្មាធិការជាតិសន្តិសុខលម្ហសមុទ្រ សហការជាមួយកម្លាំងនគរបាលប៉ុស្តិ៍ទើបអាចស្វែងរកសពជនរងគ្រោះឃើញ។
ជនរងគ្រោះមានឈ្មោះ ចំរ៉ុង ភេទប្រុស អាយុ ៣២ឆ្នាំ ជាកម្មករទូកនេសាទ បានធ្លាក់ទឹកសមុទ្របាត់ខ្លួន កាលពីយប់ថ្ងៃពុធ ទី២៧ ខែកញ្ញា ឆ្នាំ២០២៣ ពេលជនរងគ្រោះទម្លាក់ក់យុថ្កាទូកនៅម្តុំខាងមុខកងការពារកោះកុងក្រៅលេខ២ ស្ថិតនៅភូមិសាស្ត្រ ឃុំជ្រោយប្រស់ ស្រុកកោះកុង ខេត្តកោះកុង។នេះបើតាមការបញ្ជាក់របស់សមត្ថកិច្ចខេត្តកោះកុង៕
ដោយ៖ សំណាង