ពត៌មានបឋម៖ មានករណីអគ្គិភ័យយឆាបឆេះផ្ទះប្រជាពលរដ្ឋមួយខ្នងយ៉ាងសន្ធោសន្ធៅ បណ្តាលឱ្យបុរសម្នាក់រស់នៅជិតខាងភ័យស្លន់ស្លោដួលសន្លប់ដឹកយកទៅសង្គ្រោះនៅមន្ទីរពេទ្យភ្លាមៗ ។ ករណីគ្រោះអគ្គិភ័យនេះបានកើតឡើងនាព្រឹកថ្ងៃទី១៨ ខែតុលា ឆ្នាំ២០២៣ នៅក្បែរវត្តដំបូកខ្ពស់ ស្ថិតក្នុងសង្កាត់បឹងទំពុន២ ខណ្ឌមានជ័យ រាជធានីភ្នំពេញ ។
បន្ទាប់ពីទទួលបានព័ត៌មាននេះភ្លាម កម្លាំងសមត្ថកិច្ចជំនាញ និងអាជ្ញាធរកំពុងអន្ដរាគមន៍បាញ់ពន្លត់ដើម្បីទប់ស្កាត់ការឆេះរាលដាលដល់ផ្ទះជិតខាង ។ ចំពោះមូលហេតុនៃការឆាបឆេះនេះនៅមិនទាន់ដឹងនៅឡើយទេ ដោយសមត្ថកិច្ចនឹងធ្វើការស្រាវជ្រាវបន្តទៀត ៕
ដោយ៖ វិសាល
