ការិយាល័យប្រព័ន្ធផ្សព្វផ្សាយរបស់រដ្ឋាភិបាលបាននិយាយកាលពីថ្ងៃអង្គារម្សិលម៉ិញនេះថា ចំនួនអ្នកស្លាប់របស់ប្រជាពលរដ្ឋប៉ាឡេស្ទីនពីការវាយលុករបស់អ៊ីស្រាអែល ដែលកំពុងបន្តនៅតំបន់ហ្គាហ្សាស្ទ្រីបបានកើនឡើងដល់ ១១ ៣២០នាក់ហើយ ។ ការិយាល័យបាននិយាយនៅក្នុងសេចក្តីថ្លែងការណ៍មួយថា “ជនរងគ្រោះរួមមានកុមារចំនួន 4,650 និងស្ត្រីចំនួន 3,145 នាក់ ខណៈដែលចំនួន 29,200 នាក់ផ្សេងទៀតបានរងរបួស” ។
យោងតាមសេចក្តីថ្លែងការណ៍ដដែលបានឱ្យដឹងទៀតថា មនុស្សចំនួន 3 600 នាក់ផ្សេងទៀតនៅតែមិនទាន់បានរាប់បញ្ចូលក្នុងនោះមានកុមារចំនួន 1755 នាក់។ហើយគ្រូពេទ្យសរុបចំនួន 198 នាក់ បុគ្គលិកការពារជនស៊ីវិល 22 នាក់ និងអ្នកកាសែតចំនួន 51 នាក់ក៏ត្រូវបានសម្លាប់នៅក្នុងការវាយប្រហារផងដែរនោះផងដែរ។ សេចក្តីថ្លែងការណ៍បាននិយាយទៀតថា “ការឈ្លានពានរបស់អ៊ីស្រាអែលបានធ្វើឱ្យមន្ទីរពេទ្យចំនួន 25 និងមជ្ឈមណ្ឌលថែទាំសុខភាពចំនួន 52 ចេញពីសេវាកម្មបម្រើសេវាសុខភាព ខណៈដែលរថយន្តសង្គ្រោះចំនួន 55 គ្រឿងត្រូវបានតម្រង់គោលដៅដោយកងកម្លាំងអ៊ីស្រាអែល” ។
ការិយាល័យប្រព័ន្ធផ្សព្វផ្សាយបាននិយាយថា អ្នកជំងឺចំនួន 40នាក់បានស្លាប់នៅក្នុងមន្ទីរពេទ្យ Al-Shifa ក្នុងទីក្រុង Gaza ក្នុងរយៈពេល 5 ថ្ងៃចុងក្រោយនេះ ចំពេលមានការឡោមព័ទ្ធរបស់អ៊ីស្រាអែល និងកង្វះប្រេងឥន្ធនៈ។ហើយមនុស្សចំនួន 82 នាក់ត្រូវបានកប់នៅក្នុងផ្នូរដ៏ធំមួយនៅខាងក្នុងអគារវេជ្ជសាស្ត្រ ដោយសារតែភាពមិនច្បាស់លាស់នៃការកាន់កាប់ ដែលនៅតែឡោមព័ទ្ធមន្ទីរពេទ្យទាំងស្រុង។
អ៊ីស្រាអែលបានបើកការវាយប្រហារផ្លូវអាកាស និងជើងគោកដោយឥតឈប់ឈរលើតំបន់ Gaza Strip ចាប់តាំងពីមានការវាយប្រហារឆ្លងព្រំដែន ដោយក្រុម Hamas កាលពីថ្ងៃទី ៧ ខែតុលានោះមក។ អគាររាប់ពាន់រួមទាំងមន្ទីរពេទ្យ វិហារអ៊ីស្លាម និងព្រះវិហារត្រូវបានខូចខាត ឬបំផ្លាញនៅក្នុងការវាយលុករបស់អ៊ីស្រាអែល។ ស្របពេលជាមួយគ្នានេះដែរ ចំនួនអ្នកស្លាប់របស់អ៊ីស្រាអែលមានចំនួន ១.២០០នាក់ នេះបើយោងតាមតួលេខផ្លូវការ៕
ប្រភព៖ A News
ប្រែសម្រួលដោយ៖ វាសនា