ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីថ្ងៃព្រហស្បតិ៍ម្សិលម៉ិញនេះថា អ៊ុយក្រែនបានបង្កើតកងនាវាគ្មានមនុស្សបើកជាលើកដំបូង ដែលមិនធ្លាប់មានពីមុនមកនៅក្នុងសមុទ្រខ្មៅ។
Zelensky បាននិយាយនៅលើ Telegram ថា ជាលើកដំបូងនៅក្នុងពិភពលោក កងនាវាគ្មានមនុស្សបើកនៅក្នុងសមុទ្រ ជាកងនាវាអ៊ុយក្រែនបានចាប់ផ្តើមប្រតិបត្តិការនៅក្នុងសមុទ្រខ្មៅ ។ហើថា កងនាវានេះនឹងធានាសុវត្ថិភាពនាវាដឹកទំនិញគ្រប់ប្រភេទដែលឆ្លងកាត់សមុទ្រខ្មៅ។
លោក Zelensky បាននិយាយបន្តទៀតថា ដោយសារកិច្ចខិតខំប្រឹងប្រែងរបស់អ៊ុយក្រែន រុស្ស៊ីមិនអាចប្រើប្រាស់សមុទ្រខ្មៅសម្រាប់គោលបំណងយោធាបាននោះទេ ដោយជំរុញឱ្យដៃគូអន្តរជាតិបង្កើនកិច្ចសហប្រតិបត្តិការបន្ថែមទៀត។ហើយតំបន់ Danube ក៏កំពុងក្លាយជាកត្តាសំខាន់សម្រាប់សន្តិសុខពិភពលោកផងដែរ៕
ប្រភព៖ A News
ប្រែសម្រួលដោយ៖ វាសនា