ភ្នំពេញ៖ ក្រសួងមហាផ្ទៃ បានចេញលិខិតបង្គាប់ការចាត់តាំងថ្នាក់ដឹកនាំ នៃមន្ត្រីរាជការចំនួន ១០រូប នៃក្រសួងមហាផ្ទៃឲ្យចុះទៅបំពេញបេសកកម្មនៅខេត្តបន្ទាយមានជ័យ ដើម្បីចុះសិក្សាស្រាវជ្រាវ ពិនិត្យ និងវាយតម្លៃលើការអនុវត្ត និងភារកិច្ចរបស់រដ្ឋបាលខេត្តបន្ទាយមានជ័យ រយៈពេល ៣ថ្ងៃ គិតចាប់ពីថ្ងៃទី២២ ដល់ថ្ងៃទី២៤ ខែធ្នូ ឆ្នាំ២០២៣។ នេះបើយោងតាមលិខិតបង្គាប់ការចុះថ្ងៃទី២០ ខែធ្នូ ឆ្នាំ២០២៣នេះ។
លិខិតបង្គាប់ការនេះ ចុះហត្ថលេខាដោយលោក អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ។ បើតាមលិខិតបង្គាប់ការនោះបានឲ្យដឹងថា ក្រុមការងារនឹងជួបសម្ភាសន៍ជាមួយប្រធានក្រុមប្រឹក្សាខេត្តបន្ទាយមានជ័យ , លោក អ៊ុំ រាត្រី អភិបាលខេត្តបន្ទាយមានជ័យ , អភិបាលរងខេត្តចំនួន ១០រូប , សមាជិកក្រុមប្រឹក្សាខេត្ត , ប្រធានក្រុមប្រឹក្សាក្រុងប៉ោយប៉ែត និងអភិបាលក្រុងប៉ោយប៉ែត រួមទាំងមន្ត្រីពាក់ព័ន្ធមួយចំនួនទៀត។
