កងកម្លាំងការពារជាតិអ៊ីស្រាអែល (IDF) បានប្រកាសពីការរកឃើញនូវបណ្តាញផ្លូវរូងក្រោមដីរបស់ក្រុមហាម៉ាសដ៏ធំមួយនៅក្នុងតំបន់ហ្គាហ្សា។ ការវិវឌ្ឍនេះកើតឡើងនៅពេលដែលក្រុមនេះកំពុងបង្កើនការវាយប្រហាររបស់ពួកគេទៅលើអ៊ីស្រាអែល និងក្នុងតំបន់។ ផ្លូវរូងក្រោមដីនេះដំណើរការនៅក្រោមអ្វីដែលគេហៅថា “Elite Quarter” នៃទីក្រុង Gaza ។
កំណាត់ផ្លូវរូងក្រោមដីដែលកងទ័ពអ៊ីស្រាអែលទើបរកឃើញនេះ ស្ថិតនៅក្រោមលំនៅឋាន និងការិយាល័យរបស់មន្ត្រីជាន់ខ្ពស់ ដើម្បីជាការលាក់កំបាំង និងអនុញ្ញាតឱ្យក្រុមហាម៉ាសអាចរត់គេចខ្លួន និងស្នាក់នៅក្នុងកន្លែងលាក់ខ្លួនអស់រយៈពេលយូរ។ ទាហានអ៊ីស្រាអែលម្នាក់បានចង្អុលប្រអប់អគ្គិសនីដែលលាក់ទ្វារដែលនាំទៅកាន់កន្លែងដែលផ្តល់ការចូលទៅកាន់ផ្លូវរូងក្រោមដី។ ទន្ទឹមនឹងនោះ ទាហានផ្សេងទៀតបានរកឃើញអាវុធនៅក្នុងសាលា Gaza ហើយបន្តប្រតិបត្តិការដើម្បីកម្ចាត់ភេរវជន។
ប្រធានាធិបតី Biden និយាយថា សហរដ្ឋអាមេរិកនៅតែព្យាយាមចាប់ផ្តើមការចរចាឡើងវិញសម្រាប់បទឈប់បាញ់ ដែលរួមមានការដោះលែងចំណាប់ខ្មាំង និងជំនួយមនុស្សធម៌ដល់តំបន់ហ្គាហ្សា។ លោកបានបញ្ជាក់ថា៖ «យើងកំពុងជំរុញ»។
នៅភាគខាងជើង អ៊ីស្រាអែលវាយប្រហារហេដ្ឋារចនាសម្ព័ន្ធ Hezbollah ហើយយន្តហោះ IAF បានហោះទាបពីលើទីក្រុង Beirut និងទីក្រុង Marjayoun ភាគខាងត្បូងលីបង់ ជាការព្រមាន បន្ទាប់ពីក្រុមភេរវករដែលគាំទ្រដោយអ៊ីរ៉ង់បានបាញ់រ៉ុក្កែតវាយប្រហារទីក្រុង Kiryat Shemona របស់អ៊ីស្រាអែលពេញមួយយប់ បណ្តាលឱ្យខូចខាតយ៉ាងដំណំ។
នៅភាគខាងត្បូងនៃប្រទេសអ៊ីស្រាអែល ក្រុមដែលគាំទ្រដោយអ៊ីរ៉ង់គឺក្រុមឧទ្ទាម Houthi ក្នុងប្រទេសយេម៉ែន កំពុងគម្រាមតម្រង់គោលដៅលើនាវាចម្បាំងអាមេរិក បន្ទាប់ពីសហរដ្ឋអាមេរិកបានប្រកាសពីកងកម្លាំងអន្តរជាតិនៅក្នុងតំបន់ដើម្បីការពារការដឹកជញ្ជូនទូទាំងពិភពលោកពីការវាយប្រហាររបស់ Houthi ៕
ប្រភព៖ CBN News
ប្រែសម្រួលដោយ៖ វាសនា