យ៉ាងហោចណាស់មនុស្សចំនួន9 នាក់បានស្លាប់ បន្ទាប់ពីព្យុះដ៏ខ្លាំងមួយបានវាយលុករដ្ឋភាគខាងកើតនៃប្រទេសអូស្ត្រាលីក្នុងឱកាសបុណ្យណូអែល ដោយបានបំផ្លាញដើមឈើ និងខ្សែភ្លើង និងធ្វើឱ្យផ្ទះសម្បែងរាប់ម៉ឺនគ្រួសារគ្មានអគ្គិសនីប្រើប្រាស់។ ប៉ូលីស និងសេវាសង្គ្រោះក្នុងរដ្ឋ Victoria និង Queensland បានបញ្ជាក់ពីការស្លាប់របស់មនុស្សចំនួន 8 នាក់ ដែលក្មេងជាងគេ ដែលមានអាយុ 9 ឆ្នាំ ដែលត្រូវបានគេរាយការណ៍ថាត្រូវបានទឹកហូរនាំចេញទៅតាមផ្លូវទឹក និងលិចនៅជាយក្រុង Brisbane រដ្ឋធានី Queensland ។
នៅទីក្រុង Gympie មានចម្ងាយប្រហែល 180 គីឡូម៉ែត្រ ភាគខាងជើង មានស្ត្រី 3 នាក់ត្រូវបានទឹកហូរនាំចូលទៅក្នុងបំពង់បង្ហូរទឹកជំនន់ជន់លិចពេញទីក្រុងនៅជនបទ។ ម្នាក់ក្នុងចំណោមពួកគេបានរួចជីវិត ប៉ុន្តែពីរនាក់ទៀតត្រូវបានរកឃើញថាបានស្លាប់។ អភិបាលក្រុង Gympie លោក Glen Hartwig បានប្រាប់ ABC News ថា “វាជាដំណឹងដ៏សោកសៅបំផុតសម្រាប់គ្រួសារនៅក្នុងតំបន់នេះនៅពេលបុណ្យណូអែល” ។ ព្យុះផ្គររន្ទះដ៏ខ្លាំងក្លាបានបោកបក់លើឆ្នេរសមុទ្រភាគខាងកើតនៃប្រទេសនៅថ្ងៃទី 25 ខែធ្នូ និងថ្ងៃទី 26 ខែធ្នូ ដោយនាំមកនូវដុំព្រិលធំៗ ខ្យល់បក់ខ្លាំង និងភ្លៀងធ្លាក់ខ្លាំងផងដែរ។ ទឹកទន្លេបានជន់លិច ហើយខ្យល់បក់បោកដំបូលផ្ទះ និងបានបំផ្លាញដើមឈើនៅតំបន់មួយចំនួនដែលរងផលប៉ះពាល់ខ្លាំងជាងគេ។
មនុស្សចំនួន 11 នាក់ត្រូវបានធ្លាក់ចូលទៅក្នុងមហាសមុទ្រនៅពេលដែលទូករបស់ពួកគេបានលិចនៅក្នុងសមុទ្រនៅឯ Moreton Bay នៅភាគខាងត្បូងនៃ Queensland ។ ប៉ូលីសបាននិយាយនៅថ្ងៃពុធនេះថា មានមនុស្ស 3 នាក់បានលង់ទឹកស្លាប់ខណៈដែល 8 នាក់ត្រូវបានជួយសង្គ្រោះពីទឹក ហើយប្រញាប់ប្រញាល់យកទៅសង្គ្រោះនៅមន្ទីរពេទ្យ។
ការិយាល័យឧតុនិយមបានព្រមានថា តំបន់ឆ្នេរក្នុងរដ្ឋ Queensland នៅតែប្រឈមនឹងហានិភ័យនៃព្យុះ គ្រោះថ្នាក់ ក៏ដូចជាទឹកជំនន់ គំរាមកំហែងដល់អាយុជីវិតមនុស្សដោយមាន ព្រឹលយក្ស និងខ្យល់ បំផ្លាញ។ ក្រុមហ៊ុនថាមពល Energex របស់ Queensland បាននិយាយថា ខ្យល់ព្យុះនេះបានធ្វើឱ្យខ្សែភ្លើងជាង 1,000 ខ្សែ ហើយផ្ទះប្រហែល 86,000ខ្នងពុំមានអគ្គិសនីប្រើប្រាស់៕
ប្រភព៖ Al Jazeera English
ប្រែសម្រួលដោយ៖ វាសនា