ភ្នំពេញ៖ អ្នកលេងកណ្ដាប់ដៃមហាទម្ងន់ពេជ្រ សម្បត្តិ បានវិភាគការប្រកួតគូរបស់កីឡាកររិន ដេវីត និងធន់ អៀងឡៃ នៅថ្ងៃទី 11 ខែមករាឆ្នាំ 2024 ខាងមុខនេះ សម្បត្តិបានវិភាគថា កីឡាកររិន ដេវីត អាចជាអ្នកលើកពាន។
អ្នកលេងកណ្ដាប់ដៃមហាទម្ងន់រូបនេះបានបន្ថែមទៀតថា តាមរយៈការមើលឃើញគេគិតថា ការប្រកួតនេះតានតឹងណាស់ ប៉ុន្តែមូលហេតុដែលគេវិភាគថាកីឡាករិន ដេវីត អាចជាអ្នកលើកពាននៅក្នុងកម្មវិធីថ្ងៃទី 11 ខែមករាឆ្នាំ 2024 ខាងមុខនេះ ដោយសារតែកន្លងមករូបគេឃើញរាល់កម្មវិធីធំៗដែលរិន ដេវីតបានចូលរួមប្រកួតគឺមិនដែលឲ្យរបូតនូវប្រាក់រង្វាន់ និងពានរង្វាន់ធំៗនោះទេ ។
អ្នកលេងកណ្ដាប់ដៃរូបនេះបានឲ្យដឹងទៀតថា បើវិភាគទៅតាមសមត្ថភាពកីឡាករធន់ អៀងឡៃ និងរិន ដេវីត គឺមានសមត្ថភាពប្រហាក់ប្រហែលគ្នានៅលើសង្វៀនគុនខ្មែរ។ ប៉ុន្តែជារឿយៗគេឃើញថាកីឡាករិន ដេវីត ហាក់បីដូចជាមានសំណាងនៅលើការប្រកួតធំៗជាច្រើនរួចមកហើយ។
គួរជម្រាបផងដែរថា នៅថ្ងៃទី 11 ខែមករា ឆ្នាំ 2024 ខាងមុខនេះកីឡាករ រិន ដេវីត និងកីឡាករធន់ អៀងឡៃ នឹងត្រូវប្រកួតដណ្ដើមពានរង្វាន់ដ៏ធំមួយនៅលើសង្វៀនរបស់ស្ថានីយទូរទស្សន៍ថោន ដែលមានឈ្មោះថា GANZBERG រាជសីហ៍គុនខ្មែរកម្មវិធីនឹងចាប់ផ្តើមពីម៉ោង ៨យប់តទៅ ៕
ដោយ៖ វិកគី
