លោក ខេង យ័ន អភិបាលក្រុងកែប ត្រូវបានប្រមុខរាជរដ្ឋាភិបាលកម្ពុជា សម្ដេចធិបតី ហ៊ុន ម៉ាណែត សម្រេចចេញអនុក្រឹត្យដកតំណែងពីអភិបាលក្រុងកែបហើយនៅពេលនេះ ដោយសារប្រើប្រាស់អំណាច និងតួនាទីរបស់ខ្លួន ប្រព្រឹត្តអំពើប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋ ។ ការសម្រេចចិត្តនេះគឺផ្អែកទៅលើមូលដ្ឋានច្បាស់លាស់ នៃការស៊ើបអង្កេតរបស់អង្គភាពប្រឆាំងអំពើពុករលួយ ។
សូមបញ្ជាក់ផងដែរថា លោក ខេង យ័ន អភិបាលក្រុងកែប ដែលមន្ត្រីអង្គភាពប្រឆាំងអំពើពុកលួយ (ACU)បានធ្វើការឃាត់ខ្លួន បន្ទាប់ចេញពីកិច្ចប្រជុំកាលពីព្រឹកថ្ងៃទី២ ខែមករា ឆ្នាំ២០២៤ ករណីសង្ស័យពាក់ព័ន្ធអំពើពុករលួយរួចបញ្ជូនខ្លួនយកមកសាកសួរតាមនីតិវិធីច្បាប់ ។ប៉ុន្តែក្រោយមកថ្ងៃខែឆ្នាំដដែលត្រូវអភិបាលខេត្តកែប ឯកឧត្តម សោម ពិសិដ្ឋ បានបញ្ជាក់ថា ជុំវិញព័ត៌មានការឃាត់ខ្លួនលោក ខេង យ័ន ដោយមន្ត្រី ACU នោះ ជារឿងភ័ន្តច្រឡំទៅវិញ ៕
ដោយ៖ សំណាង