ការវាយប្រហារតាមអាកាសរបស់ទួរគីកាលពីថ្ងៃច័ន្ទបានបំផ្លាញគោលដៅភេរវករចំនួន 23កន្លែង នៅជិតតំបន់ព្រំដែនភាគខាងត្បូងរបស់ខ្លួន និងភាគខាងជើងប្រទេសអ៊ីរ៉ាក់ និងស៊ីរី។ នេះបើយោងតាមក្រសួងការពារជាតិរបស់ប្រទេសទួរគីយ៉េ។ការវាយប្រហារតាមអាកាសនេះត្រូវបានធ្វើឡើងប្រឆាំងនឹងគោលដៅភេរវករនៅក្នុងតំបន់ Metina, Hakurk, Gara, Qandil និង Asos នៅភាគខាងជើងប្រទេសអ៊ីរ៉ាក់ និងភាគខាងជើងប្រទេសស៊ីរី។
ក្រសួងការពារជាតិទួរគីបាននិយាយនៅក្នុងសេចក្តីថ្លែងការណ៍មួយដោយបន្ថែមថា ការវាយប្រហារបានកើតឡើងនៅម៉ោង 10យប់ម៉ោងក្នុងស្រុក។ យោងតាមសេចក្តីថ្លែងការណ៍ដដែលបានឱ្យដឹងថា គោលដៅដែលវាយប្រហារតាមអាកាសនោះរួមមាន៖ រូងភ្នំ ទីជម្រក ឃ្លាំងរំសេវ និងឃ្លាំងស្តុកអាវុធជាដើម។ ពួកគេត្រូវបានអនុវត្តដើម្បី “លុបបំបាត់ការវាយប្រហារភេរវករប្រឆាំងនឹងTürkiye និងកងកម្លាំងសន្តិសុខរបស់ខ្លួនពីភាគខាងជើងប្រទេសអ៊ីរ៉ាក់ ដោយសមាជិកនៃក្រុមភេរវករ PKK និងធាតុភេរវករផ្សេងទៀត និងដើម្បីធានាសន្តិសុខតាមព្រំដែនស្របតាមសិទ្ធិស្វ័យការពារស្របច្បាប់ តាមមាត្រា 51នៃធម្មនុញ្ញអង្គការសហប្រជាជាតិ”។
នៅក្នុងយុទ្ធនាការភេរវកម្មជាង 35 ឆ្នាំរបស់ខ្លួន ប្រឆាំងនឹងTürkiye PKK ដែលត្រូវបានចុះបញ្ជីជាអង្គការភេរវករ ដោយTürkiye សហរដ្ឋអាមេរិក និង EU បានទទួលខុសត្រូវចំពោះការស្លាប់របស់មនុស្សជាង 40,000 នាក់ រួមទាំងស្ត្រី កុមារ និងទារកផងដែរ៕
ប្រភព៖ A News
ប្រែសម្រួលដោយ៖ វាសនា
