រដ្ឋាភិបាលអាល្លឺម៉ង់បាននិយាយកាលពីថ្ងៃទី 26 ខែកុម្ភៈម្សិលម៉ិញនេះថា ប្រទេសអាល្លឺម៉ង់បានប្រគល់គ្រាប់ផ្លោងប្រភេទ 155 មីលីម៉ែត្រ ចំនួន 14,000គ្រាប់ សម្រាប់យន្តហោះគ្មានមនុស្សបើកឈ្លបយកការណ៍ Vector ចំនួន 10គ្រឿង ជាមួយនឹងគ្រឿងបន្លាស់ និងជំនួយផ្សេងទៀតក្នុងការផ្តល់ជំនួយយោធាចុងក្រោយរបស់ពួកគេទៅកាន់ប្រទេសអ៊ុយក្រែន។ ជំនួយនេះ ក៏រួមបញ្ចូលរថក្រោះ Wisent1 ចំនួន 4 គ្រឿង ទូរស័ព្ទចល័តចំនួន 3 គ្រឿង និងប្រព័ន្ធបោសសម្អាតមីន សម្ភារៈសម្រាប់ចោលអាវុធជាតិផ្ទុះ ព្រមទាំងឧបករណ៍បំផ្ទុះចំនួន 250គ្រឿងទៀត។
អ៊ុយក្រែនក៏បានទទួលឧបករណ៍ចាប់សញ្ញាប្រឆាំងនឹងយន្តហោះគ្មានមនុស្សបើកចំនួន ២២ គ្រឿង យានការពារព្រំដែនចំនួន ៤ គ្រឿង និងស្ថានីយទំនាក់ទំនងផ្កាយរណបចំនួន ១២ គ្រឿង។ ប្រធានាធិបតី Volodymyr Zelensky បានទៅបំពេញទស្សនកិច្ចនៅទីក្រុងប៊ែកឡាំងកាលពីថ្ងៃទី 16 ខែកុម្ភៈ ដើម្បីចុះហត្ថលេខាលើកិច្ចព្រមព្រៀងសន្តិសុខរយៈពេលវែងជាមួយអធិការបតីអាល្លឺម៉ង់ Olaf Scholz ។ បន្ទាប់មក Scholz បានបង្ហាញថា ទីក្រុងប៊ែកឡាំងកំពុងអនុម័តកញ្ចប់ជំនួយការពារជាតិទ្រង់ទ្រាយធំថ្មីចំនួន1.2 ពាន់លានដុល្លារដែលរួមមានគ្រាប់កាំភ្លើងធំ ប្រព័ន្ធការពារអាកាស និងយុទ្ធោបករណ៍ជាច្រើនទៀត៕
