កងទ័ពរបបយោធាមីយ៉ាន់ម៉ាសរុបចំនួន ១៧៧ នាក់បានឆ្លងព្រំដែនចូលទៅក្នុងប្រទេសបង់ក្លាដែស ចំពេលមានការប្រយុទ្ធគ្នាយ៉ាងខ្លាំងរវាងកងកម្លាំងរបបយោធា និងកងទ័ពជនជាតិភាគតិច Arakan ក្នុងរដ្ឋរ៉ាឃីនកាលពីថ្ងៃច័ន្ទ។យោងតាមឆ្មាំព្រំដែនបង់ក្លាដែស (BGB) និងមន្ត្រីរដ្ឋបាល Bandarban បានឱ្យដឹងថា ការជម្លៀសកងទ័ពដែលស្វែងរកទីជម្រកនៅក្នុងស្រុកព្រំដែនភ្នំ Bandarban ត្រូវបានដឹកនាំដោយក្រុមចំនួន 29 នាក់ ខ្លះស្លៀកពាក់ឯកសណ្ឋាន និងខ្លះទៀតស្លៀកពាក់ស៊ីវិល។
ស្នងការរងស្រុក Bandarban លោក Shah Mujahid Uddin បាននិយាយថា កងកម្លាំងសន្តិសុខរបស់យើងកំពុងរំសាយអាវុធពួកគេ។ មន្ត្រីជាន់ខ្ពស់បង់ក្លាដែសបានប្រាប់ Irrawaddy ថា Dhaka កំពុងសម្របសម្រួលជាមួយបេសកកម្មមីយ៉ាន់ម៉ានៅក្នុងប្រទេសបង់ក្លាដែសដើម្បីធ្វើមាតុភូមិនិវត្តន៍ពួកគេ។
កងទ័ព Arakan បានរឹបអូសយកទីតាំងរឹងមាំរបស់រដ្ឋាភិបាលយោធាជាង 170 និងទីប្រជុំជនចំនួនប្រាំបួននៅក្នុងរដ្ឋ Rakhine និងរដ្ឋ Chin ដែលនៅជិតខាងចាប់តាំងពីថ្ងៃទី 13 ខែវិច្ឆិកាឆ្នាំមុននោះមក។
ការភៀសខ្លួនចុងក្រោយរបស់កងកម្លាំងយោធានៅក្នុងរដ្ឋរ៉ាឃីនកើតឡើងតិចជាងមួយខែ បន្ទាប់ពីទាហានរដ្ឋាភិបាលយោធាដែលចាញ់ និងជនស៊ីវិលចំនួន 330 នាក់ត្រូវបានធ្វើមាតុភូមិនិវត្តន៍ពីប្រទេសបង់ក្លាដែសដោយកងទ័ពជើងទឹកមីយ៉ាន់ម៉ាកាលពីថ្ងៃទី 15 ខែកុម្ភៈ។
កងទ័ពរបបយោធាទាំងនោះបានភៀសខ្លួនចេញពីការប្រយុទ្ធគ្នានៅក្នុងរដ្ឋរ៉ាឃីនចន្លោះពីថ្ងៃទី៤ ដល់ទី១០ ខែកុម្ភៈ ហើយត្រូវបានជ្រកនៅកន្លែងបណ្ដោះអាសន្នក្នុងប្រទេសបង់ក្លាដេស៕
ប្រភព៖ The Irrawaddy
ប្រែសម្រួលដោយ៖ វាសនា
