សភាសហរដ្ឋអាមេរិកបានអនុម័តកញ្ចប់ជំនួយបរទេសចំនួន 95 ពាន់លានដុល្លារកាលពីថ្ងៃសៅរ៍ចុងសប្តាហ៍កន្លងទៅនេះ ។កញ្ចប់ជំនួយដ៏ច្រើនសន្ធឹកសន្ធាប់នេះមានវិក័យប័ត្រចំនួន 4 ដែលត្រូវបានបោះឆ្នោតដោយឡែកពីគ្នា ហើយនឹងត្រូវបានបញ្ចូលគ្នា មុនពេលបញ្ជូនទៅព្រឹទ្ធសភា។ វិក័យប័ត្របីដំបូងរួមមានទំហំទឹកប្រាក់ចំនួន 60.8 ពាន់លានដុល្លារដើម្បីជួយដល់អ៊ុយក្រែនក្នុងសង្រ្គាមរបស់ខ្លួនជាមួយរុស្ស៊ី។ហើយថវិកាចំនួន 26.4 ពាន់លានដុល្លារទៀតដើម្បីគាំទ្រដល់អ៊ីស្រាអែលដែលកំពុងប្រយុទ្ធជាមួយក្រុមហាម៉ាស និងអ៊ីរ៉ង់។ដោយឡែកទឹកប្រាក់ចំនួន 8.1 ពាន់លានដុល្លារទៀតគឺដើម្បីទប់ទល់នឹងចិននៅឥណ្ឌូប៉ាស៊ីហ្វិក។
ជំនួយមនុស្សធម៌សម្រាប់តំបន់ហ្គាហ្សា ដែលគណបក្សប្រជាធិបតេយ្យបាននិយាយថា ចាំបាច់សម្រាប់ការគាំទ្ររបស់ពួកគេ ក៏ត្រូវបានរួមបញ្ចូលផងដែរ។ វិក័យប័ត្រទីបួននឹងអនុញ្ញាតឱ្យមានការលក់ទ្រព្យសម្បត្តិដែលបង្កករបស់ oligarchs រុស្ស៊ីដើម្បីជួយផ្តល់មូលនិធិជំនួយនាពេលអនាគតដល់អ៊ុយក្រែនដែលអាចបង្ខំឱ្យការលក់ TikTok និងអនុញ្ញាតឱ្យមានការដាក់ទណ្ឌកម្មកាន់តែតឹងរ៉ឹងលើប្រទេសរុស្ស៊ី ចិន និងអ៊ីរ៉ង់។
សភាអាមេរិកបានអនុម័តសេចក្តីព្រាងច្បាប់ទីបួនកាលពីថ្ងៃសៅរ៍កន្លងទៅនេះ ដោយសម្លេង 360 ទល់នឹង 58 ។ សភាបានបោះឆ្នោតយ៉ាងលើសលប់ដើម្បីអនុម័តច្បាប់ជំនួយសម្រាប់សម្ព័ន្ធមិត្តនៅឥណ្ឌូប៉ាស៊ីហ្វិកក្នុងសម្លេងពី 385 ដល់ 34 ដោយសមាជិកម្នាក់បានបោះឆ្នោតគាំទ្រ រួមជាមួយនឹងជំនួយសម្រាប់អ៊ីស្រាអែលជាមួយនឹងសម្លេងពី 366 ទល់ 58សម្លេង ។
ជម្លោះ និងការជជែកគ្នាកាន់តែខ្លាំងគឺការបោះឆ្នោតលើជំនួយអ៊ុយក្រែនដែលកើតឡើងបន្ទាប់ពីការប៉ះទង្គិចគ្នាជាច្រើនខែក្នុងចំណោមសមាជិកសភាគណបក្សសាធារណរដ្ឋ។ ប៉ុន្តែសមាជិកសភាបានបោះឆ្នោត 311 ទល់នឹង 112 សម្លេង ទោះបីជាមានការរុញច្រានយ៉ាងខ្លាំងក្លាពីអ្នកអភិរក្សសភាមួយចំនួនក្តី៕
ប្រភព៖ CBS
ប្រែសម្រួលដោយ៖ វាសនា
