អាជ្ញាធរបាននិយាយកាលពីថ្ងៃពុធថា ចំនួនបាតុករគាំទ្រប៉ាឡេស្ទីន ដែលត្រូវបានចាប់ខ្លួន នៅអំឡុងពេលធ្វើបាតុកម្មនៅសាកលវិទ្យាល័យ Texas បានកើនឡើងដល់ 34 នាក់ហើយ។ នាយកដ្ឋានសុវត្ថិភាពសាធារណៈរដ្ឋតិចសាស់បាននិយាយនៅលើបណ្តាញ Xថា “គិតត្រឹមម៉ោង 9 យប់ថ្ងៃទី២៤ ខែមេសានេះ ការចាប់ខ្លួនមនុស្សចំនួន 34 ត្រូវបានធ្វើឡើងដោយការអនុវត្តច្បាប់នៅក្នុងបរិវេណសាលា UT Austin ទាក់ទងនឹងការតវ៉ានៅថ្ងៃនោះ” ។
ក្នុងចំណោមអ្នកដែលត្រូវបានចាប់ខ្លួននោះ មានអ្នកថតរូប FOX 7 Austin ដែលកំពុងថតបាតុកម្មដោយសិស្សនៅបរិវេណសាលា UT Austin ។ ខ្សែវីដេអូក្នុងបណ្តាញសង្គមបង្ហាញថាអ្នកថតរូបត្រូវបានគេវាយ និងដាក់ខ្នោះដៃ។ និស្សិតបានដើរចេញដើម្បីទាមទារឱ្យសាកលវិទ្យាល័យដកខ្លួនចេញពីការផលិតអាវុធពាក់ព័ន្ធនឹងអ៊ីស្រាអែល។ បាតុកម្មបានប្រែក្លាយជាហិង្សា បន្ទាប់ពីទាហាននាយកដ្ឋានសុវត្ថិភាពសាធារណៈរដ្ឋតិចសាស់បានធ្វើអន្តរាគមន៍ក្នុងការប្រមូលផ្តុំនោះ។ បាតុកម្មនេះគឺជាផ្នែកមួយនៃការតវ៉ានៅទូទាំងសកលវិទ្យាល័យក្នុងការសាមគ្គីភាពជាមួយប៉ាឡេស្ទីន ដែលទាមទារឱ្យស្ថាប័នអប់រំដកខ្លួនចេញពីក្រុមហ៊ុនដែលធ្វើអាជីវកម្មជាមួយអ៊ីស្រាអែល។
នាយកដ្ឋានសុវត្ថិភាពសាធារណៈបាននិយាយថា ខ្លួនកំពុងឆ្លើយតបតាមសំណើរបស់សាកលវិទ្យាល័យ និងអភិបាល Greg Abbott។ លោក Abbott បាននិយាយថា ការចាប់ខ្លួននឹងបន្តរហូតដល់ហ្វូងមនុស្សបានបែកខ្ញែក។ សិស្សដែលចូលរួមក្នុងការតវ៉ាដែលពោរពេញទៅដោយការស្អប់ខ្ពើម និងប្រឆាំងពួកយូដានៅមហាវិទ្យាល័យសាធារណៈ ឬសាកលវិទ្យាល័យណាមួយក្នុងរដ្ឋតិចសាស់ គួរតែត្រូវបានបណ្តេញចេញ” នេះបើតាមអភិបាលក្រុងបាននិយាយនៅលើបណ្តាញ X ៕
ប្រភព៖ A News
ប្រែសម្រួលដោយ៖ វាសនា