រដ្ឋមន្ត្រីការពារជាតិរបស់ប្រទេសស្រីលង្កាបាននិយាយកាលពីថ្ងៃអាទិត្យថា មនុស្សយ៉ាងហោចណាស់ចំនួន 10 នាក់បានស្លាប់ និង 5 នាក់ផ្សេងទៀតកំពុងបាត់ខ្លួន ដោយសារទឹកជំនន់ និងការរអិលបាក់ដីដ៏ធ្ងន់ធ្ងរនៅទូទាំងប្រទេសស្រីលង្កា ដោយសារតែភ្លៀងធ្លាក់ខ្លាំង។
លោក Premitha Bandara Tennakoon រដ្ឋមន្ត្រីការពារជាតិរបស់ប្រទេសនេះ បាននិយាយថា ប្រតិបត្តិការស្វែងរក និងជួយសង្គ្រោះកំពុងដំណើរការសម្រាប់បុគ្គល ដែលបាត់ខ្លួនទាំង 5 នាក់។
ប្រព័ន្ធផ្សព្វផ្សាយក្នុងស្រុកបានរាយការណ៍ពីការបំផ្លិចបំផ្លាញយ៉ាងទូលំទូលាយនៅក្នុងតំបន់ជាច្រើននៅទូទាំងប្រទេសដែនកោះមួយនេះ ខណៈដែលខ្យល់កន្ត្រាក់កំពុងបក់បោកយ៉ាងខ្លាំងជាមួយភ្លៀងធ្លាក់ បណ្តាលមកពីខ្យល់មូសុង៕
ប្រភព៖ A News
ប្រែសម្រួលដោយ៖ វាសនា
