សេវាសន្តិសុខអ៊ុយក្រែន (SBU) បាននិយាយកាលពីថ្ងៃទី 6 ខែមិថុនាម្សិលម៉ិញនេះថា ឧត្តមសេនីយ៍រុស្ស៊ី Oleg Makarevich អតីតមេបញ្ជាការនៃក្រុម Dnieper ត្រូវបានគេសង្ស័យថាបានបញ្ជាឱ្យបំផ្លាញទំនប់ Kakhovka ដែលត្រូវបានកាន់កាប់កាលពីឆ្នាំមុន។ ទាហានរុស្ស៊ីបានបំផ្ទុះរោងចក្រវារីអគ្គិសនី Kakhovka និងទំនប់ដែលនៅជាប់គ្នាក្នុងតំបន់ Kherson កាលពីថ្ងៃទី 6 ខែមិថុនា ឆ្នាំ 2023 ដែលបណ្តាលឱ្យមានគ្រោះមហន្តរាយមនុស្សធម៌ និងបរិស្ថានដ៏ធំនៅទូទាំងភាគខាងត្បូងអ៊ុយក្រែន។ ទឹកជំនន់ដែលបណ្តាលមកពីការបំផ្លាញទំនប់នេះបានសម្លាប់មនុស្សជាង 30នាក់នៅក្នុងទឹកដីដែលកាន់កាប់ដោយអ៊ុយក្រែន។ យ៉ាងហោចណាស់មនុស្សរាប់ម៉ឺននាក់បានរងផលប៉ះពាល់ដោយទឹកជំនន់ ខណៈដែលមនុស្សរាប់រយ ពាន់នាក់ត្រូវបានចាកចេញដោយគ្មានទឹកស្អាតប្រើប្រាស់។
ការរំលោភបំពាននេះ ក៏បានបណ្តាលឱ្យខូចខាតយ៉ាងខ្លាំងដល់បរិស្ថាន និងកសិកម្ម។ ហេដ្ឋារចនាសម្ព័ន្ធសំខាន់ៗត្រូវបានបំផ្លាញ ហើយការបង្ហូរទឹកចេញពីអាងស្តុកទឹក Kakhovka បានគំរាមកំហែងដល់ប្រតិបត្តិការរបស់រោងចក្រថាមពលនុយក្លេអ៊ែរ Zaporizhzhia ដែលកាន់កាប់ដោយរុស្ស៊ី។ Makarevich ត្រូវបានចោទប្រកាន់ពីបទបំពានច្បាប់ និងទំនៀមទម្លាប់នៃសង្គ្រាម និងឃាតកម្មគិតទុកជាមុនដោយក្រុមមនុស្សដោយផ្អែកលើភស្តុតាងដែលប្រមូលបានដោយ SBU និងការិយាល័យអគ្គព្រះរាជអាជ្ញា។
សេចក្តីថ្លែងការណ៍របស់ SBU បានឱ្យដឹងថា “SBU កំពុងខិតខំប្រឹងប្រែងដើម្បីកំណត់អត្តសញ្ញាណ និងនាំយកមកកាត់ទោសអ្នកទាំងអស់ដែលពាក់ព័ន្ធក្នុងឧក្រិដ្ឋកម្មប្រឆាំងនឹងអ៊ុយក្រែននេះ ៕
ប្រភព៖ CBS
ប្រែសម្រួលដោយ៖ វាសនា
