អគ្គលេខាធិការអង្គការណាតូ លោក Jens Stoltenberg បានប្រាប់សារព័ត៌មាន Telegraph កាលពីថ្ងៃទី ១៦ ខែមិថុនានេះថា បណ្តាប្រទេសណាតូកំពុងពិភាក្សាដើម្បីដាក់ពង្រាយអាវុធនុយក្លេអ៊ែបន្ថែមទៀត។ ថ្លែងនៅឯទីស្នាក់ការកណ្តាលរបស់អង្គការណាតូក្នុងទីក្រុងប្រ៊ុចសែល លោក Stoltenberg បានអំពាវនាវឱ្យប្រទេសណាតូបង្ហាញឃ្លាំងអាវុធនុយក្លេអ៊ែររបស់ពួកគេ ដោយបន្ថែមថា ការពិគ្រោះក្នុងចំណោមសមាជិកណាតូស្តីពីការដកអាវុធនុយក្លេអ៊ែរចេញពីកន្លែងផ្ទុក និងរង់ចាំកំពុងដំណើរការ។
ប្រធានាធិបតីរុស្ស៊ីលោក វ្ល៉ាឌីមៀ ពូទីន បានធ្វើការគំរាមកំហែងនុយក្លេអ៊ែរម្តងហើយម្តងទៀតប្រឆាំងនឹងអ៊ុយក្រែន និងលោកខាងលិច ចាប់តាំងពីការចាប់ផ្តើមនៃការលុកលុយក្នុងប្រទេសអ៊ុយក្រែនពីខែកុម្ភៈ ឆ្នាំ 2022នោះ។លោក Stoltenberg បាននិយាយថា ពិតណាស់គោលបំណងរបស់អង្គការណាតូ គឺពិភពលោកដែលគ្មានអាវុធនុយក្លេអ៊ែរ ប៉ុន្តែដរាបណាមានអាវុធនុយក្លេអ៊ែរ យើងនឹងនៅតែជាសម្ព័ន្ធមិត្តនុយក្លេអ៊ែរ ពីព្រោះពិភពលោកដែលរុស្ស៊ី ចិន និងកូរ៉េខាងជើងមានអាវុធនុយក្លេអ៊ែរ ហើយណាតូមិនមាន ពិភពលោកកាន់តែគ្រោះថ្នាក់។
ដោយលោក Pranay Vaddi នាយកជាន់ខ្ពស់នៃសេតវិមានសម្រាប់ការគ្រប់គ្រងអាវុធបាននិយាយថា សហរដ្ឋអាមេរិកប្រហែលជាត្រូវបង្កើនការដាក់ពង្រាយអាវុធនុយក្លេអ៊ែរជាយុទ្ធសាស្ត្ររបស់ខ្លួនចំពេលមានការគំរាមកំហែងកាន់តែខ្លាំងឡើងពីប្រទេសចិន រុស្ស៊ី និងសត្រូវដទៃទៀត។
លោក Stoltenberg បាននិយាយថា “ណាតូអាចនឹងប្រឈមមុខនឹងអ្វីមួយដែលខ្លួនមិនធ្លាប់ជួបប្រទះពីមុនមក ហើយនោះគឺជាសត្រូវដែលមានសក្តានុពលថាមពលនុយក្លេអ៊ែរពីរគឺចិន និងរុស្ស៊ី៕
