សម្ព័ន្ធភាតរភាពកំពុងរំកិលទៅជិតរដ្ឋធានីឡាស៊ីអូភាគខាងជើងនៃរដ្ឋសាន ខណៈដែលអ្នកស្រុកចំនួន6នាក់ត្រូវបានសម្លាប់នៅក្នុងទីក្រុងកាលពីថ្ងៃព្រហស្បតិ៍ម្សិលម៉ិញនេះ។ ការប្រយុទ្ធគ្នាត្រូវបានគេរាយការណ៍នៅទូទាំងទីប្រជុំជន Lashio ចាប់តាំងពីយប់ថ្ងៃអង្គារ នៅពេលដែលកងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា (MNDAA) និងកងទ័ពរំដោះជាតិ Ta’ang (TNLA) វាយលុកទៅលើទីតាំងរឹងមាំភាគខាងជើងរបស់របបយោធាមីយ៉ាន់ម៉ា។
អ្នកស្រុកភាគច្រើនត្រូវបានជាប់នៅក្នុងផ្ទះរបស់ពួកគេ ខណៈដែលច្រកចូលរបស់ Lashio ត្រូវបានរារាំងដោយកងទ័ពរដ្ឋាភិបាល និងសម្ព័ន្ធមិត្តជីវពល។
យោងតាមក្រុមជួយសង្គ្រោះបានឲ្យដឹងថា អ្នកស្រុក Lashio ប្រាំមួយនាក់ រួមទាំងកុមារម្នាក់ត្រូវបានសម្លាប់ កាលពីព្រឹកថ្ងៃព្រហស្បតិ៍ដោយការបាញ់ផ្លោង ហើយស្ត្រីម្នាក់ត្រូវបានបញ្ជូនទៅមន្ទីរពេទ្យដោយរបួសធ្ងន់។នេះបើយោងតាមក្រុមជួយសង្គ្រោះ។
TNLA បាននិយាយថា នៅព្រឹកថ្ងៃពុធ សមាជិក៦នាក់នៃគ្រួសារមួយ រួមទាំងកុមារពីរនាក់ ត្រូវបានសម្លាប់ នៅពេលដែលគ្រាប់ផ្លោងរបស់របបយោធាបានវាយប្រហារផ្ទះរបស់ពួកគេ។
TNLA បាននិយាយថា ជនស៊ីវិលម្នាក់ទៀតបានស្លាប់ និងពីរនាក់ទៀតរងរបួស នៅពេលដែលកងកម្លាំងយោធានៅឡាស៊ីអូបានបាញ់ផ្លោងទៅលើភូមិណាំប៉ាវង ចម្ងាយ ៤០ គីឡូម៉ែត្រពីភាគខាងត្បូង។
យោងតាមប្រព័ន្ធផ្សព្វផ្សាយ Shan បានឱ្យដឹងថា កាលពីយប់ថ្ងៃពុធ ការវាយប្រហារតាមអាកាសរបស់របបយោធាទៅលើទីក្រុង Hseni ដែលនៅជាប់គ្នាដែលស្ថិតនៅក្រោមការគ្រប់គ្រងរបស់ MNDAA បានបំផ្លាញផ្ទះចំនួន 10 ខ្នង។
សម្ព័ន្ធភាតរភាពមិនបានធ្វើអត្ថាធិប្បាយជុំវិញការវាយប្រហារលើក្រុងឡាស៊ីអូទេ។ TNLA បានរាយការណ៍ពីការប្រយុទ្ធគ្នានៅក្នុងទីប្រជុំជន Nawnghkio កាលពីថ្ងៃពុធនៅកងវរសេនាតូចមីស៊ីលលេខ៦០៦ ខណៈដែលកងកម្លាំងរបបយោធានៅក្នុងភូមិ Bant Bwe ក្បែរនោះបានបាញ់ផ្លោងដើម្បីការពារកងវរសេនាតូច។ ក្រុមនេះបាននិយាយថា ការប្រយុទ្ធគ្នាកំពុងបន្តនៅក្នុងទីប្រជុំជន Mongmit កាលពីថ្ងៃពុធ ខណៈដែលសម្ព័ន្ធមិត្ត TNLA និងកងកម្លាំងការពារប្រជាជន Mandalay (PDF) បានវាយប្រហារមូលដ្ឋានចំនួនពីរ។ សម្ព័ន្ធភាតរភាពបានបើកប្រតិបត្តិការ 1027 ប្រឆាំងនឹងរបបនេះនៅភាគខាងជើងរដ្ឋសានកាលពីខែតុលាឆ្នាំមុន ដោយដណ្តើមបានទីបញ្ជាការកងវរសេនាតូចចំនួន 24 ជុំវិញទីក្រុងចំនួន 20 និងផ្លូវពាណិជ្ជកម្មជាមួយប្រទេសចិន មុនពេលបទឈប់បាញ់។ ប៉ុន្តែ TNLA បានបន្តប្រតិបត្តិការវិញនៅថ្ងៃទី ២៥ ខែមិថុនា បន្ទាប់ពីការទម្លាក់គ្រាប់បែករបស់របបយោធាម្តងហើយម្តងទៀតលើទឹកដីក្រុមនេះ។
TNLA និយាយថា មូលដ្ឋានយោធាជិត ៤០ រួមទាំងទីបញ្ជាការកងវរសេនាតូច និងប៉ុស្តិ៍ប៉ូលីសជាច្រើនបានដួលរលំ។ ក្រុមនេះបាននិយាយថា ខ្លួនគ្រប់គ្រងទីក្រុង Kyaukme និង Nawnghkio នៅភាគខាងជើងរដ្ឋ Shan និងផ្នែកធំនៃទីក្រុង Ruby Mogoke ក្នុងតំបន់ Mandalay ភាគខាងជើង។ Mandalay PDF និងសម្ព័ន្ធមិត្តបាននិយាយថា ពួកគេបានរឹបអូសយកមូលដ្ឋានយោធាប្រហែល 15 កន្លែងនៅក្នុងទីប្រជុំជន Singu និង Madaya ក្នុងតំបន់ Mandalay រួមទាំងស្ថានីយ៍ប៉ូលីស និងកងវរសេនាតូចការពារអាកាសមួយផង។នេះបើតាម The Irrawaddy ចេញផ្សាយនៅថ្ងៃនេះ៕
ប្រែសម្រួលដោយ៖ វាសនា
