កងទ័ពអាកាសអ៊ុយក្រែនបានធ្វើការវាយប្រហារមូលដ្ឋានកងអនុសេនាតូចនៅក្នុងតំបន់ Kursk នៃប្រទេសរុស្ស៊ី ជាមួយនឹងគ្រាប់បែក GBU-39 របស់សហរដ្ឋអាមេរិកដែលមានភាពជាក់លាក់ខ្ពស់កាលពីថ្ងៃទី 22 ខែសីហា។ការវាយប្រហារនេះកើតមានឡើងចំពេលការលុកលុយរបស់អ៊ុយក្រែនចូលក្នុងតំបន់ Kursk ដែលបានចាប់ផ្តើមកាលពីថ្ងៃទី ៦ ខែសីហា។

លោក Mykola Oleshchuk មេបញ្ជាការកងទ័ពអាកាសរបស់អ៊ុយក្រែនបាននិយាយនៅលើ Telegram ថា “ប៉ុស្តិ៍បញ្ជាការយន្តហោះគ្មានមនុស្សបើក អង្គភាពសង្គ្រាមវិទ្យុ-អេឡិចត្រូនិក បរិក្ខារ សព្វាវុធ និងសមាជិកសេវាកម្មរុស្ស៊ីរហូតដល់ 40 នាក់ត្រូវបានទទួលរងការវាយប្រហារ” ។លោក Oleshchuk បានចេញផ្សាយវីដេអូដែលបង្ហាញពីការវាយប្រហារដែលបានកើតឡើងនៅម៉ោង 4 រសៀល ម៉ោងក្នុងស្រុក កាលពីថ្ងៃទី២២ ខែសីហា។

លោកមិនបានបង្ហាញព័ត៌មានលម្អិតបន្ថែមទៀតអំពីផលវិបាកនៃការវាយប្រហារ និងចំនួនទាហានរុស្ស៊ីដែលបានរងរបួស និងស្លាប់នោះទេ។ អគ្គមេបញ្ជាការនៃប្រទេសអ៊ុយក្រែន លោក Oleksandr Syrskyi បាននិយាយកាលពីថ្ងៃទី 20 ខែសីហាថា ទីក្រុង Kyiv បានឈានទៅមុខចន្លោះពី 28-35 គីឡូម៉ែត្រ ចូលទៅក្នុងតំបន់ Kursk របស់ប្រទេសរុស្ស៊ី ខណៈដែលការលុកលុយមិនធ្លាប់មានពីមុនមកបានឈានចូលដល់សប្តាហ៍ទីបីរបស់ខ្លួន។

ប្រធានាធិបតីអ៊ុយក្រែន លោក Volodymyr Zelensky បាននិយាយកាលពីថ្ងៃទី 22 ខែសីហា ខណៈពេលដែលទៅទស្សនាតំបន់ព្រំដែនក្នុងសង្កាត់ Sumy Oblast ថា អ៊ុយក្រែនបានចាប់យកការតាំងទីលំនៅរបស់រុស្សីមួយផ្សេងទៀតនៅក្នុងតំបន់ Kursk ក៏ដូចជាអ្នកទោសសង្គ្រាមរុស្ស៊ីជាច្រើននាក់ទៀត។នេះបើយោងតាម The Kyiv Independent ៕

ប្រែសម្រួលដោយ៖ វាសនា