ប្រទេសអ៊ីតាលីនឹងទិញយន្តហោះចម្បាំង F-35 បន្ថែមចំនួន 25 គ្រឿងទៀត ក៏ដូចជាយន្តហោះចម្បាំង Euro ថ្មី ខណៈដែលការចំណាយលើលទ្ធកម្មការពារជាតិរបស់ខ្លួនកើនឡើង 16.8% នៅឆ្នាំនេះដល់ 9.3 ពាន់លានអឺរ៉ូ ឬ 10.3 ពាន់លានដុល្លារ។នេះបើយោងតាមរបាយការណ៍ថវិកាថ្មីមួយត្រូវបានបង្ហាញកាលពីថ្ងៃអង្គារ។របាយការណ៍នោះ​បាន​បញ្ជាក់​ថា ទីក្រុង​រ៉ូម​ក៏​នឹង​វិនិយោគ​កន្លះ​ពាន់​លាន​អឺរ៉ូ​ក្នុង​ឆ្នាំ ២០២៤ លើ​ការ​អភិវឌ្ឍ​ន៍កម្មវិធី​ប្រយុទ្ធលើ​អាកាស​​ជំនាន់​ទី ៦។

ឯកសារថវិកា ដែលបានផ្តល់ឱ្យការវិភាគដំបូងនៃការចំណាយលើវិស័យការពារជាតិឆ្នាំ 2024 របស់ប្រទេសអ៊ីតាលី ក៏ដូចជាការព្យាករណ៍សម្រាប់ឆ្នាំ 2025 និង 2026 បានបញ្ជាក់ពីរបាយការណ៍នៃការបញ្ជាទិញ យន្តហោះF-35 បន្ថែមនៅឆ្នាំនេះ ដើម្បីបន្ថែមទៅលើការទិញយន្តហោះ ដែលបានគ្រោងទុកពីមុនរបស់ប្រទេសចំនួន 90គ្រឿង ។

ឯកសារ​នោះ​បាន​បញ្ជាក់​ថា​ ឥឡូវ​នេះ ប្រទេស​អ៊ីតាលី​នឹង​ចំណាយ​ប្រាក់ចំនួន7 ពាន់​លាន​អឺរ៉ូ​ដើម្បី​ទិញ​យន្តហោះ​ចំនួន 25 គ្រឿង​បន្ថែម រួម​ទាំង F-35A ចំនួន 15 គ្រឿង និង F-35B ចំនួន 10 គ្រឿង ដើម្បី​ធ្វើឱ្យកំណើនយន្តហោះ F-35 របស់​អ៊ីតាលីកើនឡើង​ដល់​ទៅ 115គ្រឿង។

ប្រភពពីមន្ត្រីការពារជាតិបានប្រាប់ Defence News ថា យន្តហោះ F-35A ថ្មីទាំង 15 នឹងត្រូវបានដំណើរការដោយកងទ័ពអាកាសអ៊ីតាលី ខណៈដែល F-35B ចំនួនដប់គ្រឿងនឹងត្រូវបែងចែកទៅឱ្យកងទ័ពអាកាស និងកងទ័ពជើងទឹកអ៊ីតាលី។

ការបញ្ជាទិញយន្តហោះ 90 គ្រឿងនោះគឺ F-35As ចំនួន60គ្រឿង និងF-35Bs 15គ្រឿង សម្រាប់កងទ័ពអាកាស និង F-35B ចំនួន15គ្រឿងសម្រាប់កងទ័ពជើងទឹក។ បច្ចុប្បន្ន កងទ័ពអាកាស និងកងទ័ពជើងទឹក គ្រោងនឹងហោះហើរយន្តហោះ F-35B របស់ពួកគេ ពីនាវាផ្ទុកយន្តហោះចម្បាំង Cavour របស់អ៊ីតាលី។

ក្នុងឆ្នាំ 2009 ដើមឡើយ អ៊ីតាលី មានគម្រោងបញ្ជាទិញយន្តហោះ F-35 ចំនួន 131 គ្រឿង ហើយបានកាត់បន្ថយការបញ្ជាទិញរបស់ខ្លួនមកនៅ 90គ្រឿង។

ឯកសារដដែលបានបន្ថែមថា ការងាររបស់ប្រទេសអ៊ីតាលីលើកម្មវិធីនេះមានចំនួនសរុប 4.7 ពាន់លានអឺរ៉ូគិតត្រឹមខែធ្នូ ឆ្នាំ 2023 ជាមួយនឹងប្រាក់ចំណូលចំនួន 1.6 ពាន់លានអឺរ៉ូផ្សេងទៀតពីសន្និបាតចុងក្រោយរបស់ប្រទេសអ៊ីតាលី។ឯកសារថវិកាក៏បានរាយការណ៍ផងដែរថា ថវិកា 506 លានអឺរ៉ូកំពុងត្រូវបានវិនិយោគក្នុងឆ្នាំ 2024 លើកម្មវិធីប្រយុទ្ធ GCAP ដែលអ៊ីតាលីបានសហការជាមួយចក្រភពអង់គ្លេស និងជប៉ុន។

ឯកសារក៏បានរាយការណ៍ផងដែរថា ថវិការចំនួន 690 លានអឺរ៉ូត្រូវបានបន្ថែមទៅមូលនិធិដែលកំពុងបន្តនៃកម្មវិធី Eurofighter ដើម្បីចាប់ផ្តើមការទិញយន្តហោះចម្បាំងទីបួនចំនួន 24 គ្រឿងដើម្បីជំនួសយន្តហោះ 26 គ្រឿងដែលនឹងត្រូវបញ្ឈប់នៅឆ្នាំ 2029 ។ ថវិកាឆ្នាំ 2024 រួមមានការចំណាយសរុបរបស់ក្រសួងការពារជាតិចំនួន 20.85 ពាន់លានអឺរ៉ូ កើនឡើងពី 19.56 ពាន់លានអឺរ៉ូដែលបានចំណាយក្នុងឆ្នាំ 2023 ដែលជាការកើនឡើងលើចំនួន 18 ពាន់លានអឺរ៉ូដែលបានចំណាយក្នុងឆ្នាំ 2022 ៕

ប្រែសម្រួលដោយ៖ វាសនា