ប្រជាពលរដ្ឋជាង 3,000 នាក់មកពីភូមិចំនួន 7 ត្រូវបានផ្លាស់ទីលំនៅដោយការប្រយុទ្ធគ្នានៅក្នុងទីប្រជុំជន Pulaw តំបន់ Tanintharyi ការប្រយុទ្ធគ្នានេះ បានចាប់ផ្តើមបន្ទាប់ពីកងទ័ពរបបយោធាមីយ៉ាន់ម៉ាវាយឆ្មក់ចូលភូមិ Kye កាលពីថ្ងៃទី ១៤ ខែតុលា។

អ្នកនាំពាក្យកងកម្លាំងការពារប្រជាជនស្រុក Myeik (PDF) បានប្រាប់ The Irrawaddy នាថ្ងៃព្រហស្បតិ៍ម្សិលម៉ិញនេះថា “ការប្រយុទ្ធគ្នានាពេលនេះគឺមានសភាពធ្ងន់ធ្ងរខ្លាំងណាស់។កាលពីយប់ម៉ិញមានការប្រយុទ្ធគ្នា នៅភូមិ Kye, Settawyar និង Pala»។ លោកបានបន្ថែមថា ភាគីទាំងពីរបានរងរបួស ដោយបង្ខំឲ្យទាហានរបបយោធាដកថយ និងរត់ចោលសមរភូមិផងដែរ។

អ្នកនាំពាក្យដដែលបានបន្តទៀតថា នៅថ្ងៃទី១៨ ខែតុលា យើងបានរកឃើញទាហានរបបយោធាបានស្លាប់ អត្តសញ្ញាណប័ណ្ណរបស់ពួកគេបានបង្ហាញថា ពួកគេភាគច្រើនកើតក្នុងសតវត្សនេះ ហើយមកពីតំបន់អៃយ៉ារវ៉ាឌី និងរដ្ឋសានភាគខាងត្បូង។

យោងតាមក្រុមអ្នកតស៊ូបាននិយាយថា កងទ័ពរបបយោធាមីយ៉ាន់ម៉ាបានដុតផ្ទះសម្បែងអ្នកភូមិចំពេលមានការវាយប្រហារតាមអាកាស។ សមាជិកទីក្រុង Pulaw Township PDF បាននិយាយថា “កងទ័ពរដ្ឋាភិបាលប្រហែល 300 នាក់កំពុងប្រើប្រាស់ផ្លូវជាតិលេខ 8 និងផ្លូវទឹកដើម្បីវាយឆ្មក់ភូមិនានា” ។ រថយន្តរាប់រយគ្រឿងត្រូវបានជាប់គាំងនៅថ្ងៃទី១៥ ខែតុលា នៅលើផ្លូវហាយវ៉េដែលតភ្ជាប់ពីមៀក ភូឡា និងតៃ ។ យោងតាមអ្នកស្រុកបាននិយាយថា ជនស៊ីវិលប្រើការដឹកជញ្ជូនតាមផ្លូវទឹកជំនួសវិញ។ កាលពីល្ងាចថ្ងៃអាទិត្យ ទូកមួយបានក្រឡាប់នៅជិតភូមិ Kyaukka ខណៈដែលដឹកអ្នកស្រុក Pulaw និងសិស្សដែលផ្លាស់ទីលំនៅទៅផ្ទះសម្រាប់ថ្ងៃបុណ្យ Thadingyut។ យោងតាមក្រុមអ្នកជួយសង្គ្រោះ សាកសពចំនួន 20 ត្រូវបានគេរកឃើញនៅថ្ងៃពុធ។

យោងតាម FE 5 Tanintharyi ដែលជាក្រុមស្រាវជ្រាវឯករាជ្យដែលមានមូលដ្ឋាននៅក្នុងតំបន់ Tanintharyi បានឱ្យដឹងថា មនុស្សប្រហែល 2,700 នាក់កំពុងស្ថិតនៅក្នុងជំរុំផ្លាស់ទីលំនៅនៅទីក្រុង Pulaw ខណៈដែលអ្នកផ្សេងទៀតស្ថិតនៅក្នុងភូមិក្បែរនោះ និងជំរុំផ្សេងទៀត។នេះបើយោងតាម The Irrawaddy ចេញផ្សាយនៅថ្ងៃនេះ៕

ប្រជាពលរដ្ឋជាង3 000នាក់បានរត់ភៀសខ្លួនពីការប្រយុទ្ធគ្នានៅភាគខាងត្បូងប្រទេសមីយ៉ាន់ម៉ា

ប្រែសម្រួលដោយ៖ វាសនា