ភ្នំពេញ៖  ចុងសប្តាហ៍នេះ អ្នកគាំទ្រការប្រកួតប្រដាល់គុនខ្មែរ នៅលើសង្វៀនWurkz សេនាគុនខ្មែរយ័ន្ត៨ទិស ប្រាកដជាបានជក់ចិត្ត ជាមួយនឹងការប្រកួតគូពិសេសជាច្រើនគូ ទាំងការប្រកួតលក្ខណៈគុនខ្មែរវាយ ៥ទឹក ការប្រកួតគុនខ្មែរអន្តរជាតិវាយ៣ទឹក ពិសេសថែមទាំងមានការប្រកួតលក្ខណៈគុនចម្រុះ(MMA)ថែមទៀតផង ។

សប្តាហ៍នេះ វត្តមានកីឡាករជើងខ្លាំងមកពីតាមបណ្ដាក្លឹបជាច្រើនដូចជា ខ្លារខិនមានរិទ្ធ , តាឯកដំបងដែក, គុហ៊ាព្រំជ័យខេត្តសៀមរាប , ក្លឹបវិបុលដារិទ្ធ ,ក្លឹបពេជ្រ សុផាន់ គុនខ្មែរ , ក្លឹបកីឡាកងយោធពលខេមរភូមិន្ទ , ក្លឹបមហិទ្ធិរិទ្ធមេសថ្ងកគុនខ្មែរ និងកីឡាករមកពីក្លឹបនរាយតេជះ ជាដើម។

បន្ថែមពីនោះ ក៏មានវត្តមានកីឡាករអន្តរជាតិមកពីប្រទេស ចិន និងមីយ៉ាន់ម៉ាថែមទៀតផង។ ក្នុងនោះគូពិសេសទីមួយរីកគី ពៅអាគមន៍ ប៉ះប្រាក់ សៅលិញ ។ គូគុនខ្មែរទី ២ កីឡាកររិទ្ធ ចៅចិត្រ ជួបជាមួយ ប៉ុក សម្រេច ។ ការប្រកួតរវាងកីឡាករពេជ្រ រាជសី ប៉ះកីឡាករធន់ ម៉ាទីន  ។

ការប្រកួតគូមិត្តភាពអន្តរជាតិ រវាងអ្នកលេងកណ្ដាប់ដៃតាន់វៀក ប៊ុនឌឿន ត្រូវជួបតទល់ជាមួយជើងខ្លាំងវ័យក្មេងមកពីប្រទេសចិន ។ ចំណែកឯអ្នកលេងក្បាច់គុនចម្រុះ និងគុនខ្មែរ រិន សារ័ត្ន នឹងត្រូវជួបប្រកួតលក្ខណៈគុនចម្រុះ MMA ជាមួយអ្នកលេងមុខស្រស់មកពីប្រទេសមីយ៉ាន់ម៉ា ។

កុំភ្លេចចូលរួមទស្សនាឲ្យបានច្រើនកុះករ កម្មវិធីនឹងចាប់ផ្ដើមពីម៉ោង ៧ យប់តទៅនៅថ្ងៃទី ០៩ ខែវិច្ឆិកាស្អែកនេះ នៅស្ថានីយទូរទស្សន៍ថោន ដែលមានទីតាំងស្ថិតនៅក្នុងសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។ បងប្អូនអាចចូលរួមទស្សនាដោយសេរី មិនតែប៉ុណ្ណោះ ក៏មានការផ្សាយផ្ទាល់នៅលើកញ្ចក់ទូរទស្សន៍ថោន, ទំព័រ facebook book៖TOWN FULL HDTV , TOWN FM 102,25 និងWURKZ ផងដេរ៕

ដោយ៖ វិកគី