ការរញ្ជួយដីដ៏ខ្លាំងមួយបានវាយប្រហារតំបន់ដាច់ស្រយាលមួយនៃប្រទេសទីបេ ដោយបានសម្លាប់មនុស្សយ៉ាងហោចណាស់ចំនួន 126 នាក់ និងជាង 100 នាក់ផ្សេងទៀតរងរបួស ដោយមានការរញ្ជួយខ្លាំងនៅក្នុងប្រទេសនេប៉ាល់ ប៊ូតាន និងផ្នែកខ្លះនៃភាគខាងជើងនៃប្រទេសឥណ្ឌា។ ទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក បាននិយាយថា គ្រោះរញ្ជួយដីនៅថ្ងៃអង្គារមានកម្រិត ៧.១ រ៉ិចទ័រ ខណៈមជ្ឈមណ្ឌលបណ្តាញរញ្ជួយដីចិន (CENC) បានកត់ត្រាថាមានកម្រិត ៦.៨រ៉ិចទ័រ។

ចំណុចកណ្តាលនៃការរញ្ជួយដីគឺតំបន់កម្ពស់ខ្ពស់ Shigatse នៃ Dingri ដែលមានទីតាំងនៅផ្នែកខាងចិននៃភ្នំអេវឺរ៉េស និងមានប្រជាជនប្រហែល 62,000 នាក់។ Shigatse គឺជាកន្លែងអង្គុយរបស់ Panchen Lama ដែលជាឥស្សរជនដ៏សំខាន់នៅក្នុងព្រះពុទ្ធសាសនាទីបេ ដែលសិទ្ធិអំណាចខាងវិញ្ញាណគឺស្ថិតនៅលំដាប់ទីពីរបន្ទាប់ពីសម្តេច Dalai Lama ។

ទីភ្នាក់ងារសារព័ត៌មានរដ្ឋ Xinhua បានរាយការណ៍ថា ផ្ទះជាង 1,000 ត្រូវបានខូចខាតក្នុងកម្រិតផ្សេងៗគ្នា ដោយសារការរញ្ជួយដីដែលបានអង្រួនតំបន់ក្នុងជម្រៅប្រហែល 10km (6 ម៉ាយ) នៅម៉ោង 9 និង05នាទីព្រឹកថ្ងៃអង្គារទី៧ ខែមករា ឆ្នាំ២០២៥ ។ ទូរទស្សន៍រដ្ឋ CCTV បានរាយការណ៍ថា ស្រុក Dingri និងតំបន់ជុំវិញនោះបានជួបប្រទះនឹងការរញ្ជួយយ៉ាងខ្លាំង ហើយអគារជាច្រើននៅជិតចំណុចកណ្តាលបានដួលរលំ។

Xinhua បានរាយការណ៍ថា “មនុស្សសរុបចំនួន 126 នាក់ត្រូវបានបញ្ជាក់ថា បានស្លាប់ និង188 នាក់ផ្សេងទៀតបានរងរបួស គិតត្រឹមម៉ោង 7:00 យប់ម៉ិញនេះ។ Dingri បច្ចុប្បន្នកំពុងជួបប្រទះសីតុណ្ហភាពប្រហែលដក 8 អង្សាសេ។ឧតុនិយមចិនបានព្យាករណ៍ថា អាកាសធាតុនឹងធ្លាក់ចុះដល់ដក 18 អង្សាសេ នៅល្ងាចថ្ងៃអង្គារម្សិលម៉ិញ។ Shigatse ជាតំបន់ដាច់ស្រយាលពីទីក្រុងសំខាន់ៗរបស់ប្រទេសចិន។ នេះ​រួម​ជា​មួយ​នឹង​ភាព​ត្រជាក់​ខ្លាំង បាន​រារាំង​ដល់​កិច្ច​ខិត​ខំ​ប្រឹង​ប្រែង​ជួយ​សង្គ្រោះ។ នេះ​បើ​យោង​តាម Katrina Yu របស់ Al Jazeera ដែល​រាយការណ៍​ពី​ទីក្រុង​ប៉េកាំង៕

     

ប្រែសម្រួលដោយ៖ វាសនា