ប្រតិបត្តិការយោធារបស់អ៊ីស្រាអែលនៅភាគខាងជើងតំបន់ West Bank បានជម្លៀសគ្រួសារប៉ាឡេស្ទីនចំនួន 5,000គ្រួសារ ចាប់តាំងពីថ្ងៃទី 21 ខែមករាកន្លងមកនេះ។ នេះបើយោងតាមទិន្នន័យរបស់ប៉ាឡេស្ទីនដែលបានចេញផ្សាយកាលពីថ្ងៃអង្គារម្សិលម៉ិញនេះ។ការិយាល័យនាយករដ្ឋមន្ត្រីប៉ាឡេស្ទីនបានចេញសេចក្តីថ្លែងការណ៍មួយបន្ទាប់ពីកិច្ចប្រជុំនៅទីក្រុង Ramallah ដឹកនាំដោយនាយករដ្ឋមន្ត្រី Mohammad Mustafa និងមានការចូលរួមដោយតំណាងមកពីទីភ្នាក់ងាររដ្ឋាភិបាលដែលកំពុងដោះស្រាយកិច្ចខិតខំប្រឹងប្រែងឆ្លើយតបគ្រាអាសន្ន។

សេចក្តីថ្លែងការណ៍បាននិយាយថា កិច្ចប្រជុំបានផ្តោតលើ “ការបង្កើនកិច្ចខិតខំប្រឹងប្រែងរួមគ្នា ដើម្បីបង្កើនអន្តរាគមន៍មនុស្សធម៌ នៅក្នុងតំបន់ភាគខាងជើង West Bank ដែលរងផលប៉ះពាល់ដោយការវាយលុករបស់អ៊ីស្រាអែល។ ប្រតិបត្តិការ​របស់​អ៊ីស្រាអែល​បាន​បង្ខំ​ឲ្យ​មាន​ការ​ជម្លៀស​ប្រជាជន​ជិត ៥.០០០ គ្រួសារ​ពី​ជំរុំ​ជនភៀសខ្លួន Jenin និង Tulkarem។ សេចក្តីថ្លែងការណ៍នោះបានគូសបញ្ជាក់ពីការកើនឡើងនៃការរុះរើផ្ទះ និងការបំផ្លិចបំផ្លាញយ៉ាងទូលំទូលាយនៃហេដ្ឋារចនាសម្ព័ន្ធ និងទ្រព្យសម្បត្តិជនស៊ីវិល ដោយកងទ័ពអ៊ីស្រាអែល ជាពិសេសបន្ទាប់ពីការវាយលុកបានពង្រីកដល់ជំរុំជនភៀសខ្លួន Al-Far’a និងទីប្រជុំជន Tamun ក្នុងខេត្ត Tubas” ។

សេចក្តីថ្លែងការណ៍បាននិយាយទៀតថា នាយកដ្ឋានកិច្ចការជនភៀសខ្លួនរបស់អង្គការរំដោះប៉ាឡេស្ទីន ក្នុងការសម្របសម្រួលជាមួយទីភ្នាក់ងារជំនួយ និងការងាររបស់អង្គការសហប្រជាជាតិ (UNRWA) និងកម្មវិធីអភិវឌ្ឍន៍របស់អង្គការសហប្រជាជាតិ នឹងត្រួតពិនិត្យការរៀបចំលំនៅដ្ឋានបណ្តោះអាសន្នសម្រាប់គ្រួសារដែលផ្លាស់ទីលំនៅទាំងនោះ។ អ៊ីស្រាអែលបានចាប់ផ្តើមប្រតិបត្តិការនៅ Jenin និងជំរុំជនភៀសខ្លួនកាលពីថ្ងៃទី 21 ខែមករាកន្លងទៅនេះ ដោយបានសម្លាប់ប្រជាជនប៉ាឡេស្ទីនចំនួន 25 នាក់ គិតត្រឹមព្រឹកថ្ងៃអង្គារទី៤ ខែកុម្ភៈម្សិលម៉ិញនេះ។ នៅថ្ងៃទី 27 ខែមករា យោធាអ៊ីស្រាអែលបានពង្រីកការវាយលុករបស់ខ្លួនទៅកាន់ Tulkarem ជាកន្លែងដែលជនជាតិប៉ាឡេស្ទីន 4 នាក់ត្រូវបានសម្លាប់។ កាលពីថ្ងៃអាទិត្យ ប្រតិបត្តិការនេះបានពង្រីកដល់ជំរុំជនភៀសខ្លួន Tamun និង Al-Far’a ក្នុងខេត្ត Tubas ។

ការកើនឡើងរបស់អ៊ីស្រាអែលនៅក្នុងទឹកដីដែលកាន់កាប់បានកើតមានឡើងបន្ទាប់ពីមានបទឈប់បាញ់ និងកិច្ចព្រមព្រៀងផ្លាស់ប្តូរអ្នកទោសនៅហ្គាហ្សាកាលពីថ្ងៃទី 19 ខែមករា បន្ទាប់ពី 15 ខែនៃសង្រ្គាមប្រល័យពូជសាសន៍របស់អ៊ីស្រាអែលដែលបានសម្លាប់ជនជាតិប៉ាឡេស្ទីនជាង 47,500 នាក់ និងកាត់បន្ថយការឡោមព័ទ្ធទៅជាគំនរបាក់បែក។

យោងតាមក្រសួងសុខាភិបាលប៉ាឡេស្ទីនបានឱ្យដឹងថា ចាប់តាំងពីការចាប់ផ្តើមនៃសង្រ្គាមរបស់អ៊ីស្រាអែលលើតំបន់ហ្គាហ្សានៅថ្ងៃទី 7 ខែតុលា ឆ្នាំ 2023នោះមក យ៉ាងហោចណាស់មានជនជាតិប៉ាឡេស្ទីនចំនួន 905នាក់ត្រូវបានសម្លាប់នៅទូទាំងតំបន់ West Bank ដែលកាន់កាប់ និងការវាយប្រហារដោយកងកម្លាំងអ៊ីស្រាអែល និងអ្នកតាំងលំនៅឋាន៕

ប្រភព៖ A News

ប្រែសម្រួលដោយ៖ វាសនា