ភ្នំពេញ៖ លោកដួង តារា ជំនួយការផ្ទាល់សម្ដេចតេជោហ៊ុនសែន និងជារដ្ឋលេខាធិការនៃទីស្តីការគណៈរដ្ឋមន្ត្រី បានសរសេរសារនៅលើបណ្តាញសង្គមហ្វេសបុកថា មានចោរពាក់ម៉ាស់ បានមកលួចកាត់កញ្ចក់ឡាន ទាំងសងខាង ហើយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលកំពុងរស់នៅសព្វថ្ងៃ។ លើកទី២ហើយដែលចោរមកបំផ្លាញដល់ផ្ទះ។ ភ្ញាក់ពីគេងឃើញរថយន្តត្រូវបានបំផ្លាញដោយចោរ ពិតជាគួរឲ្យសោកស្តាយយ៉ាងខ្លាំង។
លោកដួង តារា បានសរសេរបញ្ជាក់បន្ថែមថា ៖ “ខ្ញុំសារកាមេរ៉ា មើលយប់មិញរវាងម៉ោង 1:30 យប់ មានចោរពាក់ម៉ាស់ បានមកលួចកាត់កញ្ចក់ឡានខ្ញុំទាំងសង្ខាង ហៀយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលខ្ញុំកំពុងរស់នៅសព្វថ្ងៃ។ កាលពីខ្ញុំមកនៅទីនេះដំបូងក៏ធ្លាប់មានចោរចូលពីលើដំបូលផ្ទះមកក្នុងផ្ទះ។ គួរអោយសោកស្តាយចំពោះអ្វីដែលបានកើតឡើងសម្រាប់ខ្ញុំ ខ្ញុំពិតជាមានការបារម្ភចំពោះសុវត្ថិភាពរស់នៅ”៕
