ម៉ូស្គូ៖ អ្នកគាំទ្ររាប់ពាន់នាក់របស់លោក Alexei Navalny បានធ្វើដំណើរតាមដងផ្លូវនៃទីក្រុងមូស្គូកាលពីថ្ងៃពុធម្សិលមិញ ដើម្បីធ្វើការតវ៉ាឱ្យមានការដោះលែង និងបានអំពាវនាវឱ្យមានការផ្តល់ការព្យាបាលត្រឹមត្រូវ បន្ទាប់ពីអ្នករិះគន់វិមានក្រឹមឡាំងដ៏លេចធ្លោរូបនេះចាប់ផ្តើមធ្វើកូដកម្មអត់អាហារកាលពីបីសប្តាហ៍មុន។ នេះបើតាមការចេញផ្សាយដោយសារព័ត៌មាន Reuters នៅថ្ងៃព្រហស្បតិ៍ ទី២២ ខែមេសា ឆ្នាំ២០២១។

ក្រុមបាតុករជាង៦.០០០ នាក់អ្នកបានដើរក្បួននៅកណ្តាលទីក្រុងក្បែរវិមានក្រឹមឡាំងដោយស្រែកថា“ សេរីភាព” និង“ ពូទីនគឺជាចោរ!” ពោលគឺប៉ុន្មានម៉ោងបន្ទាប់ពីប្រធានាធិបតីវ្លាឌីមៀពូទីនបានថ្លែងសុន្ទរកថាប្រចាំឆ្នាំរបស់លោកទៅកាន់ប្រជាជនរុស្ស៊ី។ ទោះបីជាមានមនុស្សច្រើនកុះករបានប្រមូលផ្តុំគ្នាក៏ដោយក៏ការតវ៉ាមិនមែនជាទំហំនៃបាតុកម្មគាំទ្រ Navalnyនោះទេ។

ការធ្វើបាតុកម្មមុននេះបានកើតឡើងនៅក្នុង២៩​ទីក្រុង រួមមានទីក្រុងVladivostok​, Novosibirsk, Irkutsk, Tomsk និងនៅបណ្តាទីក្រុងផ្សេងទៀតដែលមានក្រុមបាតុករជាង ១៤.០០០ នាក់បានធ្វើការតវ៉ា។ យោងតាមក្រុមឃ្លាំមើល OVD-Info បានអោយដឹងថាប៉ូលីសបានចេញសេចក្តីព្រមានប្រឆាំងនឹងការចូលរួម“ ការប្រមូលផ្តុំខុសច្បាប់” និងបានចាប់ខ្លួនមនុស្សជាង ១.០០០ នាក់នៅទូទាំងប្រទេស។

ក្រុមអ្នកតវ៉ាកំពុងទាមទារឱ្យ Navalny ដែលបានចាប់ផ្តើមធ្វើកូដកម្មអត់អាហារកាលពីបីសប្តាហ៍មុនត្រូវបានដោះលែង​ ឬយ៉ាងហោចណាស់ត្រូវផ្តល់ការព្យាបាលត្រឹមត្រូវបន្ទាប់ពីវេជ្ជបណ្ឌិតរបស់គាត់បាននិយាយថាសុខភាពរបស់គាត់ស្ថិតក្នុងសភាពធ្ងន់ធ្ងរ ហើយគាត់អាចនឹងស្លាប់នៅពេលណាមួយឆាប់ៗនេះ” ។

សូមជម្រាបថា លោក Navalny ត្រូវបានវិមានក្រឹមឡាំងកាត់ទោសឱ្យជាប់ពន្ធនាគាររយៈពេល ២ ឆ្នាំកន្លះ ក្រោយពីត្រូវបានចាប់ខ្លួននៅថ្ងៃទី ១៧ ខែមករានៅពេលត្រឡប់មករុស្ស៊ីវិញ  បន្ទាប់ពីគាត់បានចំណាយពេល ៥ ខែ ដើម្បីគេខ្លួនពីការប៉ុនប៉ងធ្វើឃាតប្រទេសអាឡឺម៉ង់៕