អ្នកទៅលេងខេត្តកែប លាន់មាត់គ្រប់គ្នា រឿង​តម្លៃ ឡើងថ្លៃ កប់ពពក

(ភ្នំពេញ) ៖ រដូវតម្លើងថ្លៃ និងជាឳកាសរបស់អាជីវករ មួយចំនួន ឆ្លៀតពេល ថ្ងៃបុណ្យទាន កាប់ស្រស់ៗតែម្តង ដូចករណីនៅខេត្តកែប ប្រជាពលរដ្ឋដែលបានទៅលេង ក៏បានសូមសំណូមពរដល់លោក កែន សត្ថា អភិបាលខេត្តកែប ទាក់ទងនឹងសេវាកម្ម នៅខេត្តរបស់លោក មានតម្លៃថ្លៃកប់ពពក ដូចជាកន្លែងជួល ខ្ចុះ អង្គុយលេងមួយ មានតម្លៃរហូតដល់ ១០ដុល្លារ ខណ:ថ្ងៃធម្មតា ៥ដុល្លារប៉ុណ្ណោះ ចំណែកបង្គន់អនាម័យវិញ តម្លៃចូលម្ដង ១០០០រៀល ប៉ុន្តែគ្មានអនាម័យ ហើយបង្គន់អនាម័យនៅទីនោះ ជារបស់រដ្ឋ តែត្រូវដេញថ្លៃដោយឯកជន ចូលត្រូវបង់លុយទៅវិញ។

ជាងនេះទៅទៀត សូម្បីតែបើកទ្បានជុំវិញខេត្ត ក៏ត្រូវចំណាយលុយអស់ ១ដុល្លារ ដែរ (ប័ណ្ណដាក់លើក្បាលទ្បាន ចេញដោយក្រសួងសេដ្ឋកិច្ច និងហិរញ្ញវត្ថុខេត្តកែប) រីឯតម្លៃគ្រឿងសមុទ្រវិញ មានតម្លៃថ្លៃ ហើយបើក្រទ្បេកមកមើល កន្លែងផ្ញើម៉ូតូ គឺមានតម្លៃ ២០០០រៀល។

ករណីនេះដែរ ពលរដ្ឋចង់ឲ្យលោកអភិបាលខេត្តកែប មេត្តាជួយជំរុញទៅខាងមន្ត្រីជំនាញពាក់ព័ន្ធ ដែលនៅក្រោមឱវាទរបស់លោក ជួយកែតម្រូវតម្លែមួយ ឲ្យបានសមរម្យផង កុំឲ្យពលរដ្ឋទៅម្ដងៗ មានការរិះគន់លើអាជ្ញាធរថា មិនអើពើពីបញ្ហានេះ ព្រោះខេត្តមួយនេះ មានសក្ដានុពលទេសចរណ៍ ទាំងភ្ញៀវជាតិ និងអន្តរជាតិយ៉ាងច្រើនកុះករ។ យ៉ាងណាមិញ ជុំវិញករណីនេះ សារព័ត៌មានកោះរីផត រង់ចាំការស្រាយបំភ្លឺ ពីអាជ្ញាធរខេត្តកែបផងដែរ៕

ភ្ជាប់ទំនាក់ទំនងជាមួយ Town News